| e-texts navigator |
| Wylie |
269b1 ལ་ལོག་པར་རྟོག་པ་འཛིན་ཅིང་ཡུལ་བསྒྲུབ་པས་ན་མིག་གི་འདུས་ཏེ་རེག་པའི་ཁམས་དང་། སྣང་བའི་ཡིད་འཛིན་ཅིང་འཕྲོ་བ་སྒྲུབ་པར་བྱེད་པས་ན་རྣ་བའི་འདུས་ཏེ་རེག་པའི་ཁམས་དང་།། ཐོབ་ཡས་པའི་ཡང་བྱུང
269b2 པའི་ཤེས་པ་རྣམས་དུས་གཅིག་ཏུ་སྡུད་ཅིང་གཞན་གྱི་ཡིད་འཕྲོག་པར་བྱེད་པས་ན། སྣ་ཡི་འདུས་ཏེ་རེག་པའི་ཁམས་དང་། གང་གི་དངོས་པོ་རྣམས་རྗེས་སུ་འཛིན་ཅིང་ཉེ་བར་ལེན་པས་ན། ལྕེའི་འདུས་ཏེ་རེག་པའི
269b3 ཁམས་དང་། དྲན་པ་ཐམས་ཅད་གཅིག་ཏུ་སྡུད་ཅིང་ཡུལ་ཀུན་ལ་འཇུག་པས་ན། ཡིད་ཀྱི་འདུས་ཏེ་རེག་པའི་ཁམས་དང་། རགས་པ་དུ་མ་རྣམས་འཛིན་ཅིང་འབྱུང་བ་རྣམས་འདུས་པས་ན། ལུས་ཀྱི་འདུས་ཏེ་རེག
269b4 པའི་ཁམས་སོ།། དེའི་ཕྱིར་ན་ཁམས་དེ་དག་རྣམས་ཀྱང་ཡུལ་འཛིན་པར་བྱེད་པ་ཡིན་ནོ།། དེ་ཡང་འཁྲུལ་པ་ཉིད་ནང་དུ་འཛིན་པར་བྱེད་པའི་ཆ་ལས་བྱུང་བའོ།། ཕུང་པོ་རྣམས་ནི་འདི་ལྟ་སྟེ། རྟོག་པས་སྐྲག་པའི་ཕུང
269b5 པོ་དང་། རྟོག་པ་རྣམས་རང་བཞིན་གྱིས་མེད་པའི་ཕུང་པོའོ།། མི་རྟོག་ཐུབ་པས་ཡང་གསོལ་པ། ཀྱེ་བཅོམ་ལྡན་འདས། རྟོག་པས་སྐྲག་པ་ཞེས་བྱ་བའི་ཕུང་པོ་ནི་གང་ལགས། རྟོག་པ་མེད་པའི་ཕུང་པོ་ནི་གང་ལགས།།
269b6 སྟོན་པ་ཉིད་ཀྱིས་བདག་ལ་གསུངས་ཤིག། དེ་ནས་ཉིད་ཀྱིས་ཡང་བཀའ་སྩལ་པ། ཀྱེ་ཐུབ་པ་ཆེན་པོ་རྟོག་པ་སྐྲག་པའི་ཕུང་པོ་འདི་ལྟ་སྟེ། དངོས་པོ་ཐམས་ཅད་གཅིག་ཏུ་འདུས་ཏེ་རྒྱུ་འབྲས་ལས་གྲུབ་པས་ན་གཟུགས
iiif viewer powered by OpenSeadragon
