| e-texts navigator |
| Wylie |
268a1 གྲུབ་ཐོབ།། སངས་རྒྱས་དང་མཉམ་མཛད་སྤྱོད་དང་དུ་ལོངས།། ངན་སོང་གནས་རྣམས་དོང་སྤྲུགས་ཏེ།། བདེ་བ་ཆེན་པོའི་མི་གཡོ་བའི་ལམ་དུ་འཛུད།། རང་སྣང་རང་གིས་གོམས་པའི་གདེང་ཐོབ
268a2 ནས།། དབྱིངས་སུ་འཕྱོ་བའི་རིག་དང་འདུལ་འབྲལ་མེད་པ་འཇིགས་མེད་རྙེད།། གསང་བ་གསང་མཆོག་བླ་ན་མེད། ཆོས་འདི་རྣམས། ངེས་པའི་སྙིང་པོ་ཡང་གསང་འདི།། སུ་ལ་སྣང་བར་གྱུར་པ་དེ།། དུས་གསུམ་བཞུགས
268a3 པའི་སངས་རྒྱས་ཀྱི་དབང་ཡང་ཐོབ།། རང་ཆུད་ལ་མི་བརྗེད་འབྲལ་མེད་གཟུངས་འཐོབ་བོ།། ཞེས་ཉི་ཟླ་ཁ་སྦྱོར་གསང་བའི་རྒྱུད་ཆེན་པོ་ལས། རྒྱུད་འབྱུང་བར་བྱེད་པའི་གླེང་གཞི་བཤད་ཐབས་དང་བཅས་པའི་ལེའུ་སྟེ
268a4 དང་པོ།། །། འགམ་མཿ། དེ་ནས་ཆོས་ཐམས་ཅད་རྨི་ལམ་དང་སྒྱུ་མ་ལྟ་བུའི་དོན་ཅི་ལྟར་གནས་པ་རང་བཞིན་གནས་པའི་བར་དོ་བསྟན་བརྡས་བསྐུལ་ཏེ། སྣང་བ་ཐམས་ཅད་གཏན་ལ་དབབ་པ་འདི་དག་བཀའ
268a5 སྩལ་པ། ཁམས་རྣམས་དང་ནི་ཕུང་པོ་དང་།། སྐྱེ་མཆེད་རྣམས་དང་དབང་པོ་དང་།། ཡུལ་དང་ཡུལ་ཅན་ཤེས་པ་རྣམས།། ཅི་ལྟར་གནས་པ་གཏན་ལ་དབབ།། འདི་དག་ཤེས་པའི་རྣལ་འབྱོར་པས།། སྣང་བ་ཐམས
268a6 ཅད་དབང་བསྒྱུར་ཐོབ།། དེ་རྣམས་ཡུལ་རྣམས་སུས་འཛིན་པ།། རྣལ་འབྱོར་ལྡན་པ་ཉིད་ཀྱིས་ནི།། ཅི་ལྟར་ཁམས་ལ་སོགས་པ་འདི་དག་ཤེས་པར་བྱ།། མི་རྟོག་ཐུབ་པས་ཡང་གསོལ་པ།། ཀྱེ་བཅོམ་ལྡན་འདས་ཀྱིས
iiif viewer powered by OpenSeadragon
