| e-texts navigator |
| Wylie |
267a1 པས།། ཆེ་ཆུང་རིམ་པར་དོན་མེད་འགྱུར།། དགོས་ཆེད་དོན་གྱིས་མ་བཤད་ན། རྫོགས་ཆེན་འབད་རྩོལ་མེད་པ་ལ།། དོན་མེད་པ་ཡི་སྐྱོན་དུ་འགྱུར།། ཚིག་གི་དོན་ཉིད་མ་བཤད་ན། རྒྱུད་རྣམས་རིམ
267a2 པར་གསལ་བའི་ཚིག། ཟད་ཀའི་འབྲུ་མི་ཆོམས་པའི་སྐྱོན་དུ་འགྱུར།། དེ་ལྟར་སྔར་གསུངས་པའི་སྐྱོན་རྣམས་སྤངས་པས་ནི།། ཡོན་ཏན་ཐམས་ཅད་རྫོགས་པར་འགྱུར།། ཡོན་ཏན་རྫོགས་པའི་རྒྱུད་ཆེན་འདི།། སངས་རྒྱས
267a3 ཀུན་གྱིས་གསང་ཆེན་པས། བཤད་ལུགས།། འདི་ལ་སུས་གོམས་མཁས་པ་ཡིན།། ཅི་ལྟར་རང་གི་ཉམས་མྱོང་རིག་པའི་རྣལ་འབྱོར་པས།། རྒྱུད་ཀྱི་དོན་རེ་རེའི་ནང་ནས་མན་ངག་རྣམས་ཁོང་དུ་ཆུད།། གདམས་ཡུལ་ཕྱིས་འབྱུང
267a4 བའི་གང་ཟག་རྣམས་ལ་བསྟན།། དབང་པོ་ཡིས་ནི་བློ་ལ་ངེས་ཕྱེ་ནས།། དམིགས་པའི་དོན་དུ་སུས་འདྲིས་པ། ཤིང་གོམས། འདིས་ཚིག་དོན་རྣམས་ནི་རྒྱུད་རྣམས་དུ་མ་བུར་འགྱུར།། འདི་ལྟར་བཤད་ན་དོན་རྣམས
267a5 འབྱུང་།། གསང་བ་བླ་ན་མེད་པ་འདི་ཀུན་སྙིང་པོ་ཡང་ནས་ཡང་བསྡུས་པ།། འབྲས་བུ་ངེས་ཁྱད་པར་དུ་པའི་རྒྱུད་དུའོ།། ཐུབ་པ་ཡིས་ནི་ཡང་གསོལ་པ།། ཀྱེ་མ་སངས་རྒྱས་བཅོམ་ལྡན་འདས།། རྒྱུད་ཀྱི་རྒྱལ་པོ་འདི་དག
267a6 ནི།། བཤད་པའི་རིམ་པ་དེ་ལྟར་ན།། གང་ཟག་གིས་བསྒོམས་ན་ཅི་ལྟར་བསྒོམ་པ་ལགས།། འོན་ཏེ་མ་བསྒོམས་གྲོལ་བ་ལགས།། བཟུང་བའི་ཡོན་ཏན་ཅི་ལྟ་བུ།། འདི་དག་བདག་གིས་མ་འཚལ་ཏོ།། ཡང་དག་རྫོགས
iiif viewer powered by OpenSeadragon
