| e-texts navigator |
| Wylie |
266b1 ཕུན་སུམ་ཚོགས་པ་ཁང་།། རང་རིག་ཡེ་ཤེས་སྔོན་བྱུང་བས།། ཤེས་རབ་རང་བྱུང་སྟོན་པ་ཆེ། ཐུན་མོངས་ཡིན་པའི་སྟོན་པ་ཐུན་མོང་མ་ཡིན་པའི་འཁོར།། སྐུ་དང་ཡེ་ཤེས་ཐིག་ལེ་རྣམས།། མི་རྟོག་རྣམ་གྲངས་འཁོར་ཕུན་སུམ་ཚོགས་པ
266b2 འཁོར་དུ་བྱུང་། ཐུན་མོང་མ་ཡིན་པའི་བསྟན་པ། གདམས་པ་ཉམས་ལེན་བསྟན་པའི་ཚུལ།། དེ་ཉིད་གོམ་པ་ཐུན་མོང་མ་ཡིན་པའི་དུས་ཕུན་སུམ་ཚོགས་པ་དུས་ཀྱང་ཡིན།། དེ་ལྟར་གནས་པའི་རྒྱུད་དེ་ལ། བྱི་ལྟར་ནང་ལྟར་གསང་བ
266b3 ལྟར་གསང་བ་བླ་ན་མེད་པ་ཡོངས་སུ་རྫོགས་པ་དང་། བཤད་པའི་ཡན་ལག་བཞི་དག་ལས།། ཁྱད་པར་དུ་ནི་འདི་ནང་ལྟར་བཤད།། རྩ་བའི་དོན་གྱིས་མཚན་ངོས་བཟུང་། དང་སྦྱར་བ།། ཡོ་གའི་དོན་གྱིས་འཇུག་སྒོ་ཕྱོགས་དང་སྦྱར
266b4 བསྟན།། དགོས་ཆེད་དོན་གྱིས་རང་སར་བཞག་འབད་རྩོལ་མེད་པའོ།། ཚིག་གི་དོན་གྱིས་དཀྱུས་གཞུང་ཉིད་སྤྲད།། སངས་རྒྱས་དང་སེམས་ཅན་གྱི་ལོ་རྒྱུས་དོན་གྱིས་ཡིད་རྣམས་ཚིམ།། མི་རྟོག་ཐུབ་པས་ཡང་གསོལ་པ། དེ་ལྟར
266b5 ལྡང་ནས། མ་བཤད་སྒྲོན་ནི་ཅི་ལྟ་བུ།། གཙོ་བོ་ཉིད་ལྡན་པས། ཀྱིས་བདག་ལ་གསུངས།། ཐུབ་པ་ཉིད་ནི་ཡང་ཉོན་ཅིག། ལོ་རྒྱུས་དོན་གྱིས་མ་བཤད་ན།། གསང་ཆེན་ངེས་པའི་བཀའ་ཟུང་འདི་ལ།། ཡིད་མི་ཆེས་པའི
266b6 སྐྱོན་དུ་འགྱུར།། རྩ་བའི་དོན་གྱིས་མ་བཤད་ན།། ཆོས་རྣམས་རིག་ངོ་བོ་གཅིག་ཏུ་པར་མ་འདུས་པས།། མཐའ་ཡས་པ་ཡི་སྐྱོན་དུ་འགྱུར།། ཡོ་ག་དོན་གྱིས་མ་བཤད་ན།། ཐེག་པ་ཆེ་ཆུང་ལ་སོགས་པའི་རུ་ཤན་མི་འབྱེད
iiif viewer powered by OpenSeadragon
