| e-texts navigator |
| Wylie |
265b1 ནས་ཐུབ་པ་ཆེན་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། བདག་གིས་སྨྲས་པའི་གླུ་ཚིག་འདི།། སྟོན་པ་ཉིད་ལ་མཆོད་ཕྱིར་བརྗོད། གཞན་དུ་མ་ཡིན།། དེ་ལ་ཡོན་ཏན་དེ་ཙམ་ན།། གླུ་ལ་དགོས་པ་ཅི
265b2 ཞིག་མཆིས།། ཡོན་ཏན་གང་ཙམ་ཡོད་པ་ལགས།། བདག་གིས་འདི་དག་མ་འཚལ་ན།། བཅོམ་ལྡན་ཉིད་ཀྱིས་བདག་ལ་གསུངས།། དེ་ནས་ཉིད་ཀྱིས་བཀའ་སྩལ་པ།། ཉོན་ཅིག་ཐུབ་པ་རྟོག་པ་མེད།། རྡོ་རྗེ་གསང
265b3 བའི་གླུ་འདི་ཡི།། དགོས་པ་ངན་སོང་སྒོ་དགག་ཕྱིར། སྔོན་བྱུང་།། སངས་རྒྱས་ཉིད་ཀྱི་མཛད་སྤྱོད་ཡིན།། རྣལ་འབྱོར་གང་ཞིག་སྐལ་ལྡན་པ།། དུར་ཁྲོད་གནས་སུ་རྒྱུ་བའི་སྤྱོད་པ་བྱེད་པའི་ཚེ་ཚེ།། རྡོ་རྗེའི་གླུ་ནི
265b4 སྐབས་སུ་རང་གིས་ཡང་ཡང་བླངས།། མི་རྟོག་བསམ་གཏན་གནས་པའི་གྲོགས།། སྤྱོད་པ་ཀུན་གྱི་སྔོན་དུ་འགྲོ།། དེ་ཕྱིར་རྡོ་རྗེའི་གླུ་ཉིད་རང་གིས་བླངས།། ཚོགས་དང་དབང་བསྐུར་གྱི་དུས་སུ་དཀྱིལ་འཁོར་འཇུག། དེ་དུས
265b5 གླུ་ལ་བརྩོན་པར་བྱ།། མི་རྟོག་རྒྱུད་ལ་བརྟེན་བསྒོམ་པའི་དུས་སུ།། འདི་ཉིད་སྐབས་སུ་བླང་བར་བྱ།། གླུ་ཡི་དོན་ནི་འདི་དག་གོ། མི་རྟོག་ཡེ་ཤེས་བདེ་བ་ལ་སྣ་འདྲེན་པས།། རྡོ་རྗེ་ཉིད་ཀྱི་གླུས་འདིས་ཀྱང
265b6 བསྐུལ།། གང་ཞིག་རྒོད་པས་བསམ་གཏན་མ་ཕེབས་པ། གླུ། འདིས་ནི་རྣལ་དུ་འབེབས་པ་ཡིན།། གལ་ཏེ་རྣལ་འབྱོར་སེམས་བྱིང་བའི་དུས།། འདིས་ནི་གསེང་ན་རང་མལ་དུ་ཏིང་འཛིན་བཟང་།། རང་རིག་བདེ་བའི
iiif viewer powered by OpenSeadragon
