| e-texts navigator |
| Wylie |
262a1 ཅིག། རྒྱུད་འདིའི་འགྲེལ་པ་ནི་མུ་ཏིག་ཕྲེང་བ་ཞེས་བྱ་བ་ཡོད་དོ།། སྒྲོན་མ་འབར་བ་ཉིད་ལ་མ་བུ་ལྔ།། ། @#།། རྒྱ་གར་སྐད་དུ།། མང་གླག་ཀ་གཉིས།། རྒྱ་གར་སྐད་དུ།
262a2 སཱུཪྻ་ཙནྡྲ་མ་ཧཱ་སམྦུ་ཊ་གུ་ཧྱ་ཏནྟྲ་ནཱ་མ།། བོད་སྐད་དུ། ཉི་མ་ཤེས་རབ་དང་ཟླ་བ་ཟབས་ཁ་སྦྱོར་བ་གཉིས་མེད་ཆེན་པོ་གསང་བའི་རྒྱུད་ཅེས་བྱ་བ། བཅོམ་ལྡན་འདས་མངོན་པར་བྱང་ཆུབ་པ་ཆེན་པོ་ལ་ཕྱག་འཚལ་ལོ།། འདི
262a3 སྐད་བདག་གིས་བསྟན་པའི་དུས་གཅིག་ན། ཐུན་མོང་མ་ཡིན་པའི་གླེང་གཞི། ཨེ་མ། ང་ནི་འཇིག་རྟེན་འཁོར་བ་ལས་བསྒྲལ་བའི་ཕྱིར།། སྐྱེ་མངལ་སྐྱེས་ལ་སོགས་བཞིའི་གཟུགས་སུ་སྤྲུལ་ནས་ནི།། སེམས་ཐོག་མར་ཅན་ཀུན
262a4 གྱི་དོན་བྱས་པས།། སངས་རྒྱས་ད་ལྷ་རྣམས་ཀྱི་སྣང་བ་ཐོབ།། སྐྱེ་བར་མ་དོར་གཉིས་པར་དུ་སངས་རྒྱས་པའི།། དེས་པའི་བུ་བ་འབྲས་བུ་སུས་འདོད་པ།། ང་ཡིས་བསྟན་ཚིག་དོན་པའི་རྒྱུད་འདི་ཚིག་དོན་ཉོན།། རྒྱུད་འདི་ལ
262a5 ནི་སུས་གང་གོམས་པ།། བསྒོམ་པ་མེད་པར་བར་མ་དོར་སངས་རྒྱས་འཐོབ།། སུས་ཀྱང་བསླབ་པ་མེད་པར་རང་བཞིན་གྱིས་ན།། བླ་མའི་མན་ངག་རང་སྣང་རྩད་རྣམས་ཆོད།། དེ་ཕྱིར་འདི་ལ་རྟག་ཏུ་གོམས་པར་གྱིས།། དེ་སྐད
262a6 ཅེས་སྟོན་པས། མི་གནས་པའི་རང་བཞིན་གྱི་གནས་ཆེན་གཞི་བཅོས་པ་མེད་པ་ནས་པོ་ནས།། མི་སྣང་བའི་སྟོན་པ་ཆེན་པོས་མི་འབྱེད་པའི་འཁོར་རང་ཀ་མའི་གཟུགས་ལ་སྔར་གསུངས་སོ།། གསུང་ད་ལྟར་ངོ་།། གསུང་ཕྱི་དུས་སྲ་བར
iiif viewer powered by OpenSeadragon
