| e-texts navigator |
| Wylie |
226b1 གསོ་བ་བཤད་པར་བྱ་ཏེ།། རིན་ཆེན་ལྔའི་སྦུ་གུ་ལ།། གསང་བའི་སྔགས་ཀྱི་འཁོར་ལོ་བཞུག། གང་བསྲུང་མིང་དང་སྤེལ་ཏེ་བྲི།། ཀུ་གུལ་བླ་རྩི་ཤུ་དག་ཀྱང་།། འཁོར་ལོ་དེ་ཡི་ནང་དུ་བཞུག། ཚོན་རྩི་ལྔ་ཡི་ཚོན་དང་ནི།། རྩས
226b2 སྣ་ལྔ་ཡིས་ཐང་ཆུས་བྱུག། མགོན་པོ་ནག་པོས་བྱིན་བརླབས་ཏེ།། གང་བསྲུང་མགུལ་དུ་བཏག་ནས་ནི།། དེ་ནི་གནོད་པ་ཐམས་ཅད་བསྲུང་།། ཚེ་ཐག་ཕུར་བུས་བསྲུང་བ་ནི།། བལ་ཚོན་སྣ་ལྔའི་སྐུད་པ་ལ།། ཡང་ནག
226b3 པོ་རང་ལ་བྱས།། སེང་ལྟེང་ཕུལ་བུ་བདུན་དག་ལ།། གསང་བའི་སྔགས་ཀྱི་བཏབ་ནས་ནི།། གང་བསྲུངས་ལུས་ལ་བཏགས་པ་ནི།། དེས་ནི་ཀླུ་ཡི་གནོད་པ་བསྲུང་།། གང་སྲུངས་མ་ལྟས་བར་དུ་ནི།། སྭ་ལྕགས་དཀར་པོ་ཚིགས
226b4 གསུམ་མམ།། བྱ་རྒོད་སྒོ་སྒྲོན་མདའ་དག་ལ།། བལ་ཚོན་རྣམས་ལྔ་གདགས་པར་བྱའོ།། མཚལ་དང་སྤོས་ཀྱི་དུད་པས་བཏང་།། སྔགས་པས་མགོན་པོར་བྱིན་བརླབས་ནས།། གང་སྲུང་སྔས་སུ་བཙུགས་ནས་ནི།། དེ་ནི
226b5 བརྟེན་གྱི་བསྲུང་བ་ཡིན།། མ་ཧཱ་ཀཱ་ལའི་རྒྱུད་ལས།། སྲེའི་གསོ་བའི་ལེའུ་སྟེ་བཅུ་དྲུག་པའོ།། ། དེ་ནས་ཀླུ་ཡིས་ཟིན་པ་གསོ་བ་བསྟན་ཏེ།། ཕྱག་ཚང་སྐུ་བའི་ནང་དུ་ནི།། ཀླུ་ཡི་ནོར་བརྒྱད་བླུགས
226b6 ནས་ནི།། སྔགས་པས་བྱིན་བརླབས་ཆེར་བྱས་ཏེ།། གང་འདོད་གནས་སུ་བཅུག་པས་ན།། དེ་ནི་གནོད་པར་མི་འགྱུར་རོ།། དག་པས་འདུལ་བའི་ཆོ་ག་ནི།། སེང་ལྡེང་ཕུར་བུ་སོར་བརྒྱད་ལ།། གུ་གུའི་ཚ་བའི་མར་གྱིས་བྱུག།
226b7 གང་གནོད་གནས་སུ་བཏབ་པས་ན།། ཀླུ་ཡི་གནས་ཁང་འཇོམས་པར་བྱེད།། འདི་ནི་ནག་པོ་ཀླུ་ཡི་གཟིར་སྔགས་ཡིན།། ཨོཾ་མཧཱ་ཀཱ་ལ་ན་ག་ཞུང་ཐུན། ཛྭ་ལ་ཛ་ཚིན་དྷ་ཚིན་རྟ་བན་དྷ་བན་དྷ་ཧཱུཾ་ཕཊ། ནཱ་ག་པ་ར་ཡ་ནཱ་གདུང
iiif viewer powered by OpenSeadragon
