| e-texts navigator |
| Wylie |
225b1 ཙ། དི་ན་མེ་ཀ་ན་ཧཱུ~ཾ་ཕཊ། མ་ཧཱ་ཀཱ་ལའི་རྒྱུད་ལས་གྲགས་པོ་སྔགས་ཀྱི་ལེའུ་སྟེ་བཅུ་པའོ།། དེ་ནས་འཁོར་ལོ་བཤད་པར་བྱའོ།། དུར་ཁྲོད་རས་ས་མ་ཤོག་ཤོག་ལས།། ཡང་ན་སྡེ་སྔོན་དག་ལ་བྲི།
225b2 གཟའ་སྐར་འཛམ་པའི་ཉི་མ་ལ།། དུག་དང་སྐེ་ཚེས་མིང་རུས་བྲི།། འཁོར་ལོ་ཁྲག་ཆེན་དག་གིས་བྲི།། གང་དམིགས་དགྲ་བོའི་ཁོང་བ་ལ།། རྩིབས་ལྡན་མུ་ཁྱུད་གསུམ་ལྡན་བྲི།། རྩིབས་བརྒྱད་དག་ལ་དགོད་པ་ནི།། སྙིང
225b3 པོ་ལྔ་དང་རེ་རེ་གསུམ།། གོང་རས་དག་ལ་མིང་རུས་བྲི།། མ་ར་ཤ་མ་བསྐོར། མགྲིན་པར་ཧཱུཾ་ལས་སྙིང་ཁར་མིང་།། འདོམས་སུ་ཕཊ་རྣམས་བྲི་བར་བྱ།། སྔགས་པ་ལས་སུ་རུངས་པ་དང་།། ལྷ་ཁང་དུར་ཁྲོད་ཀླུ་ཡི་གནས།། གནོད
225b4 སྦྱིན་གནས་པའི་ས་མནན་ན།། ཚངས་པའི་ཚེ་དང་ལྡན་པ་ཡང་།། བློ་བུར་ནད་ཀྱིས་མྱུར་དུ་འཆི།། མ་ཧཱ་ཀཱའི་རྒྱུད་ལས་འཁོར་བྲི་བའི་ལེའུ་སྟེ་བཅུ་གཅིག་པའོ།། ། དེ་ནས་གནན་པ་བཤད་པར་བྱ།
225b5 ཐོ་པ་མ་གས་མ་ཆགས་པར།། མ་ཧཱ་ཀཱ་ལའི་སྙིང་པོ་བྲི།། བཟླས་བྱས་ཉུངས་ཀར་དེ་རུ་བླུག། ཡང་ན་ཀླུ་སྦྲུལ་དཀར་ནག་གཉིས་ཀྱིས་གཟུགས།། ཁ་རུ་མིང་ལ་རྒྱབ་ཏུ་རུས།། ཚོན་སྐུད་སྣ་སྔས་དྲིལ་བྱས་ལ།།
225b6 སྟག་གི་ཁ་འམ་ཆུ་སྲིན་སྣ།། སྒྲ་བའི་སྒོ་ཁར་གདན་པས་ན།། སྔགས་འདི་བཟླས་པས་འཚོང་མ་སྲིད།། ཨོཾ་མ་ཧཱ་ཀཱ་ལ་བཱང་ཧྲི་སྣར་མ་ཤིག་སོད། ལེའུར་ཤིག་སོད་། ས་ར་ལ་ཤིག་སོད་། ཐུ་མ་རིལ་ཤིག་སོད།།
225b7 པུང་ཡ་ཚོ་ཤིག་སོད། ཞུང་ཏྲི་ཤིག་སོད། སྦུར་ལ་ཤིག་སོང་། ན་ག་ར་ཛ་ཙི་འི་ཛ་ལ་ཡ། ནན་ནན། མཧཱ་ཀཱ་ལའི་རྒྱུད་ལས། གནན་པའི་ལེའུ་སྡེ་བཅུ་གཉིས་པའོ།། ། ད་ནི་སེར་བ་བཤད་པར
iiif viewer powered by OpenSeadragon
