| e-texts navigator |
| Wylie |
224b1 ཁྱེད་ཀྱི་ཐུགས་དམ་དུས་ལ་བབ།། སྐུ་ནི་མཐིང་ནག་འཇིགས་པ་ལ།། རལ་པ་གསིགས་པས་འཇིག་རྟེན་ཁྱབ།། བསྤུའི་བུ་ག་ཐམས་ཅད་ལས།། སྡོམ་དང་སྡིག་པའི་སྤྲུལ་པ་འགྱེད།། ཕྲག་པ་གཡས་ནས་དབུ་ཕྱུང་བ།། དབུ
224b2 ནི་ལྷ་ཆེན་འཇོམས་པའི་དབུ།། དབུ་སྐྲ་རལ་པ་དམིགས་པ་ལས།། སེང་ལྡེང་ཕུར་པ་སེར་ཆེན་འབེབས།། ཁྱོད་ཀྱི་ཐུགས་དམ་དུས་ལ་བབ།། ཕྲགས་པ་གཡོན་ཏུ་དབུ་ཕྱུང་ལ།། དབུ་ན་སྲིན་པོ་འཇོམ་པའི་དབུ།། དབུ
224b3 སྐ་རལ་པ་བསིགས་པ་ལས།། གཙན་དན་ཕུར་བུ་སྲེར་ཆེན་འབེབས།། ཁྱོད་ཀྱི་ཐུགས་དམ་དུས་ལ་བབ།། ཐུགས་ཀྱི་དཀྱིལ་ནས་དབུ་བྱུང་བ།། དབུ་ནི་ཀླུ་ཆེན་འཇོམས་པའི་དབུ།། དབུ་སྐྲ་རལ་པ་གསོགས་པ་ལ།། ཆུ་སྲིན་བྱེ་བའི
224b4 སྤྲུལ་པ་འགྱེད།། ཁྱོད་ཀྱི་ཐུགས་དམ་དུས་ལ་བབ།། ལྟེ་བའི་དཀྱིལ་ནས་དབུ་ཕྱུང་བ།། དབུ་ནི་གནོད་སྦྱིན་འཇོམས་པའི་དབུ།། དབུ་སྐྲ་རལ་པ་གསོགས་པ་ལ།། ལྕགས་ཀྱི་ཕུར་བུ་སེར་ཆེན་འབེབས།། ཁྱོད་ཀྱི
224b5 ཐུགས་དམ་དུས་ལ་བབ།། དྲི་ཟ་ག་ཤིན་བརྗེ་མེ་ལྷ་དང་།། བདེན་བྲལ་ཆུ་ལྷ་རླུང་གི་ལྷ།། གནོད་སྦྱིན་དབང་ལྡན་ས་བདག་བཅིངས།། ལྷ་ཡི་ཚོགས་དང་། ཀླུ་ཡི་ཚོགས། སྲིན་པོ་ལ་སོགས་གནོད་སྦྱིན་མ།། ཀླུ་ཡི་བུ།
224b6 མོ་ཚོགས་དང་བཅས།། གནོད་སྦྱིན་བུ་ཕོ་འབྱུང་བའི་ཚོགས།། ཤ་དང་ཁྲག་ལ་དགའ་བ་དང་།། ཐམས་ཅད་ཀུན་ནས་འདིར་སྐྱོན་ཅིག། མདོས་ཀྱི་བདག་པོ་མདོས་བཞེས་ཅིག། ཀླུད་ཀྱི་བདག་མོ་ཀླུང་འདི་ལོངས།། མཧཱ་ཀཱ་ལི
224b7 རྒྱུད་ལས། མདོས་གཏང་བའི་ལེའུ་སྟེ་བདུན་པའོ།། ། དེ་ནས་སྦྱིན་བསྲེག་བཤད་པར་བྱ།། གང་དམིགས་ལིང་ག་བཅས་པ་དེ།། ལྕགས་ཀྱུས་སྙིང་དྲང་རླུང་གིས་བརྡེག། རྣམ་པར་ཤེས་པ་དེ་ལ་བསྟིས།
iiif viewer powered by OpenSeadragon
