| e-texts navigator |
| Wylie |
66b1 ཐིག་པོའི་པ་སྐྱེ་དགུ་པའོ།། ། དེ་ནས་བཅོམ་ལྡན་བཀའ་སྩལ་པ།། མིགཡོབ་ནི་སྒྲ་ཡིཿ།། མི་བརྒྱད་པ་ནི་ཡེ་ཤེས་ཏེ།། མི་ལེན་པས་ན་བདག་མེད་ཅིང་།། མི་འདོར་ཚིག་བྲལ་མཉམ་ཉིད་དོ།། གང་དང་གང་གིས་གང་དུ་ཡང་།། ཀུན།
66b2 འཁོར་ཀུན་སྤྱོད་བདག་ལས་བྱུང་།། འདི་ལ་སྐྱེས་པ་བུད་མེད་ཅེས།། མཉམ་པའི་རྒྱལ་པོས་ཡོངས་མ་གསུངས།། འདི་ལ་བརྟུལ་ཞུགས་དྲག་ཤུལ་གྷི།། གནས་སུ་བྱ་བའི་མིང་མེད་དེ།། ཨ་དང་པར་ནི་རྣམ་ལྡན་ན།། སྒྱུ་མའི་བདེ་བ་འབྱུང་བར
66b3 འདོད།། རང་བཞིན་གཅིག་ཏུ་མ་ངེས་པས།། ཇི་ལྟར་བལྟས་པས་དེ་ལྟར་སྣང་།། སྣང་འདོད་རྩོལ་སེམས་བདེ་བ་ཡང་།། དེ་ནི་དེ་སྒྲིབ་སྟོན་ཆེན་ཡིན།། བྱང་ཆུབ་ཡན་ལག་ཀུན་གྱི་སྒོ།། ཆ་ལུགས་བསྒོམས་པས་ཆུ་ཟླ་བཞིན།། མགོས་པ
66b4 ཆགས་འབྱུང་འགྱུར་ཡང་།། བསྒོམས་པས་བྱིས་པའི་སྤྱོད་ཡུལ་བཞིན།། དཀྱིལ་ཁོར་ཁྲོ་གཉེར་ཆ་ལུགས་ཀྱིས།། ཁྲོ་བདག་ཆེན་པོའི་ལུས་བཟུང་ནས།། ཡི་གེ་མངོན་དུ་ཕྱུང་ན་ཡང་།། ཞིབས་དེ་ཉིད་མཐོང་བ་མེད།། རྣམ་གྲངས
66b5 བརྒྱད་ཁྲི་བཞི་སྟོང་ཕྲག་ཡས་ཀྱང་།། གང་ལྟར་སྤྱད་ཀྱང་མི་རྟོག་སྐྱེ།། མཚན་མ་མེད་པའི་དབང་གིས་ནི།། བསྟི་གནས་འདི་ལས་འབྱུང་མི་འགྱུར།། གླེང་བྲལ་འདི་ལ་གང་གནས་པ།། རྣལ་འབྱོར་དེ་ནི་སྐལ་བ་བཟང་།། བདག་དང་གཞན་དོན
66b6 མི་བྱེད་ཀྱང་།། སྒྱུ་མ་ལྷུན་གྲུབ་ཡུལ་ལ་རོལ།། ལྷག་མ་མེད་པར་ཡོངས་སུ་རྫོགས།། འགྱུར་བ་མ་ཡིན་དྲང་པོར་གནས།། ནམ་མཁའ་བཞིན་ཏེ་མཐའ་མཉམ་ཞིང་།། གཞན་ལ་ལྟོས་འགྱུར་ཆོས་མ་ཡིན།། ལྷུན་གྱིས་གནས་པས་བདེ་བ་ཆེ།།
66b7 མཚུངས་པ་མེད་པའི་ཡེ་ཤེས་ཀྱིས།། རང་གི་མཐུ་ཡིས་རེག་པ་ལས།། ཆོས་ནི་གཞན་ནས་འབྱུང་མི་འགྱུར།། སླ་ཞིང་དཀའ་ལ་དཀའ་ཕྱིར་སྦ།། མངོན་སུམ་མི་གནས་ཀུན་ལ་ཁྱབ།། མིང་ཙམ་འདི་ཞེས་བསྟན་པ་ནི།། སེམས་དཔའ་རྡོ་རྗེས་མཚོན་དུ་མེད
iiif viewer powered by OpenSeadragon
