| e-texts navigator |
| Wylie |
21a1 གཏི་མུག་སེལ།། དྲུག་གིས་འགྲོ་དྲུག་གཡང་ས་གཅད།། སྟོན་པ་བསྟན་པ་གནས་འཁོར་དུས།། རང་སྣང་སེམས་ལ་སྨྲས་པ་ཡིན།། ལྟ་བ་སྟོམ་སྤྱོད་འ་བྲས་བཞིའི་རྒྱུ།། གདུལ་བྱའི་སྐབས་དང་སྦྱར་བར་བྱ།། མཁའ
21a2 གསལ་ཉི་ཟླ་ལྟ་བུའི།། དོན་དམ་དྲི་མ་མེད་པའི་རྒྱུ་ད།། རྒྱུད་དོ་ཅོག་གི་རྒྱལ་པོ་འདི།། སེམས་དཔའ་རྡོ་རྗེ་ཁྱོད་ལ་གཏད།། དེ་ནས་སེམས་དཔའ་རྡོ་རྗེ་ཡིས།། བཅོམ་ལྡན་འདས་ལ་འདི་སྐད་བསྟོད།། མཉམ་པའི་རྒྱལ་པོ་ལྷོའི་ལྷ།། སྐྱེ་མེད་རང
21a3 འབྱུང་ཆེན་པོའི་དང་།། མཁའ་འདྲ་ཡེ་ཤེས་བདལ་བའི་ཀློང་།། དུས་གསུམ་རྒྱལ་བ་ཀུན་གྱི་ཡབ།། ཐམས་ཅད་མཁྱེན་ལ་ཕྱག་འཚལ་བསྟོད།། དེ་ནས་སེམས་དཔའ་རྡོ་རྗེ་དང་།། སྐུ་གསུཾ་ཡེ་ཤེས་ལྔ་ལ་སྒྲོགས།། རང་སྣང་རིག་པའི་འཁོར
21a4 ཐམས་ཅད་དགའ་ཞིང་མགུ་ནས།། རྗེས་སུ་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཆོས་ཐམས་ཅད་རིག་པ་ཉི་ཟླ་མཐའ་དང་མཉམ་པ་དྲི་མ་མེད་པའི་རྒྱུད།། བཅོམ་ལྡན་འདས་ཀུན་རིག་རྒྱལ་པོས་གསུངས
21a5 པ་རྫོགས་སྷོ།། ། རྒྱ་གར་གྱི་མཁས་པ་ཤྲི་སིང་ང་དང་།། བོད་ཀྱི་ལོ་ཙ་བ་བཽ་ནས་བསྒྱུར་བའོ།། ། རྒྱ་གར་སྐད་དུ། སརྦ་དྷརྨ་མ་ཧཱ་སན་ཏི་ཁོ་དེ་ཙི་ཏ་སཾ་ས་ར་མུ་ལ་ཚེ་དྷ་མ་ཧཱ་ར་ད་ན་ས་མན་ཏ་ཨ་ནུད་པ་ཏོ་ཏན་ཏྲ།
21a6 བོད་སྐད་དུ། ཆོས་ཐམས་ཅད་བྱང་ཆུབ་ཀྱི་སེམས་རྫོགས་པ་ཆེན་པོ་འཁོར་བ་རྩད་ནས་གཅོད་པ་རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད།། བཅོམ་ལྡན་འདས་ཀུན་རིག་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།
iiif viewer powered by OpenSeadragon
