| e-texts navigator |
| Wylie |
20b1 རིམ་པ་བཀོད་པ་མེད།། གཅིག་པས་ཕྱོགས་སུ་བསྔོ་དང་བྲལ།། ཚོགས་ཀྱི་རྒྱན་རྣམས་བཀྲམ་པ་ཡང་།། རང་བཞིན་གནས་པས་འགྲིམ་པ་མེད།། ལྷན་གྱིས་གནས་པས་མི་བསྔོ་ཞིང་།། གདོད་ནས་དག་པས་བདུད་རྩི་ཡིན།། འདུ་མཆེད
20b2 བཅུ་གཉིས་ཁྱད་པར་དུ།། ལྷག་པའི་བསམ་པས་བཟུང་དུ་མེད།། ཡུད་ཀྱིས་བསམས་པས་ཡོངས་དག་སྟེ། བལྟས་པའི་སྟོབས་ནི་བཀྲམ་པའོ།། མཐོང་བར་གྱུར་པས་དངོས་གྲུབ་ལ།། དེ་ནི་མཉམ་བཞག་རྫོགས་པའོ།། ཡུད་ཙམ
20b3 བཟུང་བས་སྦྱོར་བ་ཡིན།། དགའ་བར་འགྱུར་པས་དམ་ཚིག་སྟེ།། ཐབས་ཀྱིས་གར་ཐབས་བསྐྱོད་པ་ཡིས།། གཉིས་མེད་སྦྱོར་བ་ཕུལ་བ་ཡིན།། མི་བཟུང་གཏོད་པས་གཏོར་མ་ཡིན།། བྱ་བ་མེད་པས་ལམ་རྣམསོ།། མི་རྟོག་ཡེ་ཤེས
20b4 བགེགས་བསལ་ནས།། མི་གསུང་མཉམ་བཞག་སྔགས་ཚིག་གོ།། བླ་མ་མཆོད་དང་གཏོང་བ་དང་།། དེ་བཞིན་བསོད་ནམས་ཐམས་ཅད་ཀྱང་།། མ་ཆགས་མི་གཡོའི་སྟོབས་མེད་ན།། བྱས་ན་འཆིང་བ་ཆེན་པོར་འགྱུར།། དེ་བས་དེ་ལུང་དེ་ཉིད
20b5 ལ། དེ་ལ་དེ་སྦྱར་སྒྲིབ་པར་འགྱུར།། དེ་ལྟར་དེ་ལ་དེ་རྟོག་ན།། དེ་ལ་དེ་ཉིད་གྲུབ་པ་མེད།། ཉི་ཟླ་དང་མཉམ་པ་དྲི་མ་མཱི་པའི་རྒྱུད་ལས།། ལྷུན་གྲུབ་ཐིག་ལེའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདི་སྐད་གསུང་།།
20b6 ན་མཁའ་ཀློང་ཡངས་བདལ་བའི་དབྱིངས།། ཡེ་ཤེས་ཉི་ཟླས་འཁོར་བཅོད།། མདོའ་རྒྱས་ལྷ་བསྒོམ་སྤྱོད་འབྲས་དང་།། ཐུགས་རྗེ་ཆེན་པོ་ལྷུན་གྱིས་གྲུབ།། རིག་པ་མཐའ་དང་མཉམ་པའི་རྒྱུད།། ཉི་ཟླ་ལྟ་བུར་དྲི་མ་མེད།། སྒྲོན་མ་འབར་བ
iiif viewer powered by OpenSeadragon
