| e-texts navigator |
| Wylie |
18b1 ནས། སེམས་ཀྱིས་དབེན་པའི་ལམ་ཚོལ་ཞིང་།། དགོན་པའི་རྒྱུད་དུ་དབེན་འཛིན་པས།། བརྟགས་ན་རྣམ་པར་རྟོག་འགྱུར་བ་སྒོམ།། རྒྱུ་དང་འབྲས་བུར་བཏགས་ཤིང་།། དགེ་སྡིག་གཉིས་ཀ་རྣམ་པར་སེལ།། འཇིག་རྟེན་འདི་ལས་འབྱུང
18b2 ཞེསབླང་དོར་བྲོད་པ་མཆོག་དུ་བསྐྱེད།། ཆགས་དང་མ་ཆགས་ཚིག་གི་ལམ།། དབུ་མ་བཞིན་ཏེ་བྲག་ཆ་འདྲ།། བདེའ་དང་སྡུག་བསྔལ་རྒྱུ་འཐུན་ཞེས།། འགྲོ་བའི་མགོན་པོ་ཆེན་པོས་གསུངས།། འདོད་ཆགས་ཞེ་སྡང་གཏི་མུག་ཀྱང
18b3 བྱང་ཆུབ་ཆེན་པོའི་ལམ་ལས་བྱུང་།། ཀུན་སྤྱོད་ཡོན་ཏན་རྣམ་ལྔ་ཡང་།། ཆོས་ཉིད་དབྱིངས་ཀྱི་རྒྱན་ཞེས་གསུངས།། ན་མཁའ་རྟོག་པ་སྐྱེ་མེད་ཅིང་།། རྟོག་པ་དེ་ཉིད་ན་མཁའ་འདྲ།། མི་ཆགས་ན་མཁའི་བསྔོ་བ་ལས།། རང་དོན
18b4 ཆེན་པོའི་ན་མཁའ་འབྱུང་།། ཉི་ཟླ་དང་མཉམ་པ་དྲི་མ་མེད་པའི་རྒྱུད་ལས།། རྣམ་པར་རྟོག་པ་དག་པའི་ཐིག་ལེའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་བཀའ་སྩལ་པ།། རྟོག་མེད་མཉམ་ཉིད་ཆོས་ཀྱི་སྐུ།། བཟུག
18b5 བས་མི་ཟིན་ཆུ་ཟླ་འདྲ།། ཀུན་ཏུ་བཟང་པོའི་རོལ་པ་ཡིས།། ཨ་ལི་ཀ་ལི་ཟབ་དུ་བསྟན།། དེ་ནི་ཨ་དང་མཛེས་པའི་ཏ།། པ་དང་ཡན་ལག་སྤྲོས་པ་བཞིན།། འཇིག་རྟེན་ཡོངས་ཀྱི་སྤྱོད་ཡུལ་ལ།། སངས་རྒྱས་གསུང་གི་ཟབ་མོ་འགྱུ།
18b6 ཨེ་མའོ་སངས་རྒྱས་སྤྱོད་ཡུལ་འདི།། བཙལ་བས་རྙེད་པའི་གནས་མེད་དོ།། དྲུག་གི་ཆོས་བཞིན་ཡུལ་མེད་པས།། ལྡོངས་པས་ནམ་མཁའ་བསྟབས་པ་བཞིན།། གོང་ནས་གོང་དུ་ཚངས་པའི་ལམ།། བྱ་བྲལ་ཆོས་དང་འཐུན་པ་མིན།།
iiif viewer powered by OpenSeadragon
