| e-texts navigator |
| Wylie |
18a1 ཀྱང་། གྲོལ་བ་རབ་འབྱུང་གཞན་ལས་མིན།། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ལ་བརྟེན་པས་འགྲུབ།། མིང་ཙམ་གཞན་ལ་རྟེན་འདྲ་ཡང་།། མངོན་སུམ་བདེ་བ་འང་ལས་འབྱུང་།། ཆོ་འཕྲུལ་ཆེན་པོ་དཀའ།། །
18a2 བ་མེད།། ཡོན་ཏན་ཀུན་དང་སྟོབས་ཀྱི་རྣམས།། ཇི་བཞིན་རྟོགས་པ་འཕྲ་བ་ལས།། དེ་མ་ཐག་དུ་རང་ལས་འབྱུང་།། སྣང་བ་མེད་པའི་ཆོས་ཉིད་ནི།། མི་བརྩལ་གཞག་ན་བསྒོམ་པ་ཡིན།། དེ་དང་དེར་ནི་རྣམ་བརྟུལ་ན།། དེ་བས་དེ་བཞིན
18a3 དེ་མི་འབྱུང་།། མཆོག་དུ་གསང་བའི་ཆོས་ཉིད་ནི།། རྣ་དབང་གཞན་ལས་ཐོབ་མི་འགྱུར།། དེ་བཞིན་ལྕེའི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། ཉི་ཟླ་དང་མཉམ་པ་དྲི་མ་མེད་པའི་རྒྱུད་ལས།། ཆོས་ཀྱི་དབྱིངས་ཀྱི་ཐིག་ལེའི་ལེག
18a4 སྟེ་བདུན་པའོ།། །། དེ་ནས་བཅོམ་ལྡན་བཀའ་སྩལ་པ།། འགྲོ་བའི་སྡུག་བསྔལ་བྱང་ཆུབ་སེམས།། ཀུན་དུ་ཆུབ་པས་རྣམ་པར་རོལ།། དེ་ལ་བསྐྱོད་པ་མེད་བཞིན་དུ།། ན་མཁའི་མཐའ་བཞིན་མཉམ་པར་གནས།།
18a5 ཁྱད་པར་ཅིར་ཡང་མཚུངས་པ་ལ།། ལས་སོ་ཞེས་ནི་རྣམ་པར་བཏགས།། ཅི་སྟེ་ལས་ཀྱི་དབང་འགྱུར་ན།། རང་འབྱུང་ཡེ་ཤེས་ཡོད་མ་ཡིན།། རྒྱུ་ཉིད་རྡོ་རྗེ་རྐྱེན་དང་བྲལ།། མ་སྐྱེས་པས་ན་འཇིག་པ་མེད།། གདོད་ནས་སྙིང་པོ་བྱང་ཆུབ་ལ།
18a6 བཙལ་བའི་བསམ་པས་དབྱིངས་མི་བསྐྱོད།། ཡོན་ཏན་ཆེན་པོའི་བསམ་གཏན་ནི།། བསམ་གཏན་ཉིད་པས་བསམ་དུ་མེད།། མ་བསམས་མ་སྦྱངས་ཆོས་བཞིན་དུ།། རྣམ་རྟོག་ཉིད་ལས་ཡེ་ཤེས་སྐྱེ།། འཕྲ་བའི་སྒོ་མོར་མིང་བཏགས
iiif viewer powered by OpenSeadragon
