| e-texts navigator |
| Wylie |
17a1 སྤྲོས་མེད་བྱང་ཆུབ་སྙིང་པོའི་དོན།། བདེ་ཆེན་སྤྲུལ་པ་གཉིས་སུ་མེད།། གཞན་ནས་མི་བཙལ་རང་ལས་འབྱུང་།། ཟིན་དང་ཆགས་དང་བྲལ་དང་།། དངོས་པོ་མེད་པས་རྣམ་པར་སྤོང་། བདུད་རྩི་ཆེན་པོའི་རང་བཞིན་ལ།། བཟའ
17a2 བའི་ཐབས་ལ་རེག་པ་མེད།། ཡངས་སོ་ཆེའོ་ཆོས་ཆེན་པོ།། ཆུང་ངུ་རྣམས་ཀྱི་གཉེན་པོ་ཡིན།། ཆེ་ལ་དམིགས་པའི་ཆ་བསྙམས་ནས།། ཆུང་ངུན་དེ་རྣམས་དམིགས་དང་བྲལ།། གསུངས་དང་རྒྱལ་དང་དམིགས་དང་སྣང་།། སྒྱུ་མཁན་རི་མོའི
17a3 རྣམ་པ་བཞིན།། འབྱུང་འཇུག་ཡེ་ཤེས་བྱིང་རྨུགས་དག། དེའི་དབང་ལས་སྐྱེ་བར་འགྱུར།། གཏང་པོ་གཞག་གོ་རང་བཞིན་གནས།། འདོད་པ་མེད་ཅིང་ལེན་པ་མེད།། བྲོད་པ་རྡུལ་ཙམ་མི་སྐྱེ་ཞིང་།། ཁྱུད་ཆེན་ན་མཁར་ལྡིང་བ་བཞིན།།
17a4 སྤྲོ་བ་མེད་ཅིང་བསྡུ་བ་མེད།། སྐོར་བར་མི་དོགས་གཟའ་བ་མེད།། གཟའ་བའི་ཡུལ་བྲལ་ཏེ་རེ་དོགས་མེད།། རྒྱ་མཚོ་འདྲ་བར་ཡེ་གནས་ལ།། ཆོས་རྣམས་སྣ་ཚོགས་འབྱུང་བར་བྱེད།། ཡོན་ཏན་ན་མཁའི་མཐའ་དང་མཉམ།། བསྡུ
17a5 པའི་གནས་སུ་ངེས་པ་མེད།། བྱང་ཆུབ་སྙིང་པོར་དེ་མ་ཐག། ཏིང་འཛིན་རྒྱ་མཚོ་ཆེན་པོ་འབྱུང་།། སྣང་བ་རྒྱ་མཚོ་ཆེན་པོ་བཞིན།། མི་རྟོག་ན་མཁའི་མཐའ་ལྟར་ཡངས།། ཀུན་ཏུ་བཟང་པོའི་སྤྱོད་ཡུལ་ལ།། སྐྱེ་ཤི་འཕོ་བའི་གནས་མེད་དེ།
17a6 རྒྱུ་རྐྱེན་ཡན་ལག་བཅུ་གཉིས་ཀྱང་།། སྐུར་པ་བཏགས་ཏེ་བཤད་པ་ཡིན།། འཁྲུལ་པ་རྣམས་ཀྱི་སྒོ་ཙམ་དུ།། མཁས་པ་དེ་བཞིན་ཤེས་པར་གྱིས།། འགྲོ་བའི་རྒྱུད་དྲུག་བསྟན་པ་ཡང་།། དང་པོའི་ལམ་དུ་ཤེས་པར་བྱ།། འདོད་སྤྱོད
iiif viewer powered by OpenSeadragon
