| e-texts navigator |
| Wylie |
16a1 ཐུགས་རྗེ་ཐབས་ཀྱི་རོལ་པ་ལས།། སྟོན་པས་བདག་ལ་བཤད་དུ་གསོལ།། ཉི་ཟླ་དང་མཉམ་པ་དྲི་མ་མེད་པའི་རྒྱུད་ལས།། གླེང་གཞིའི་ལེའུ་སྟེ་དད་པའོ།། ། དེ་ནས་བཅོམ་ལྡན་བཀའ་སྩལ
16a2 པ། སྣ་ཚོགས་འང་བཞིན་མི་གཉིས་ཀྱང་།། ཆ་ཤས་ཉིད་དུ་སྤྲོས་དང་བྲལ།། ཇི་བཞིན་པ་ཞེས་མི་རྟོག་ཀྱང་།། རྣམ་པར་སྣང་མཛད་ཀུན་ཏུ་བཟང་།། ཟིན་པས་རྩོལ་བའི་ནད་སྤངས་ཏེ།། ལྷུན་གྱིས་གནས་པས་བཞག་པ་ཡིན།།
16a3 ཉི་ཟླ་དང་མཉམ་པ་དྲི་མ་མེད་པའི་རྒྱུད་ལས།། རྡོ་རྗེའི་ཚིག་དྲུག་གི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། ཆོས་དང་སེམས་ནི་ཡེ་ནས་གཉིས་སུ་མེད།། སེམས་ཀྱི་རང་བཞིན་བཙལ་ཀྱང་མི་རྙེད་ན།
16a4 གཞན་ལ་འདི་འདྲ་ཞེས་ནི་བསྟན་དུ་མེད།། ཆོས་དང་སེམས་ནི་ཅི་ཡང་མ་ཡིན་པས།། བསྒོམ་པའི་ཚེ་ན་ཅི་ཡང་མི་བསྒོམ་མོ།། རྣམ་པར་རྟོག་པའི་མཚན་མ་ཅི་བྱུང་ཡང་།། རྟོག་པ་དེ་ཉིད་ཆོས་ཉིད་ཡིན་ཤེས་ན།། ཆོས་ཀྱི་དབྱིངས་ཉིད
16a5 གཞན་ནས་བཙལ་མི་དགོས།། དེ་ལ་གཉེན་པོས་བཅས་ཤིང་དྲགག་དུ་མེད།། དེ་ལྟར་དུས་གསུམ་རྣམ་པ་ཐམས་ཅད་དུ།། ཉིད་ལས་མ་ཡེངས་པ་ནི་ཆོས་ཀྱི་སྐུ།། སྟོབས་སུ་གྱུར་ན་འཇིག་རྟེན་རང་བཞིན་མེད།། ཐུགས་རྗེ་སྤྲུལ་པས
16a6 ཀུན་ལ་ཁྱབ་མཛད་ཅིང་།། སེམས་ཅན་རྣམས་ལ་བྱམས་པའི་ཆར་ཚོན་འབེབས།། བསྒོམ་དང་བསྒོམ་པར་བྱ་བ་གཉིས་མེད་ན།། དོན་དམ་དང་ལ་བདེའ་བར་གནས་པ་ནི།། བྱང་ཆུབ་སེམས་བསྒོམ་ཞེས་ཀྱང་དེ་ལ་བྱ།། རྟོགས་པ
iiif viewer powered by OpenSeadragon
