| e-texts navigator |
| Wylie |
15b1 བཅོམ་ལྡན་འདས་དཔལ་ཀུན་ཏུ་བཟང་པོ།། ཡངས་པ་ན་མཁའ་ལྟ་བུ།། སྐྱེ་མེད་བྱ་བརྩལ་བྲལ་ལ།། སྤྲོས་བྲལ་ཡེ་ཤོས་ཀྱི་ཀློང་དུ་ཉིད་ཀྱི་རང་སྦྲང་རིག་པའི་འཁོར་ནི།། སྐུ་གསུམ་དང་། ཡེ་ཤེས་ལྔ་དང་། ཁམས་གསུམ་དང་། འབྱུང་བ་ལྔ།
15b2 དང་། དུས་གསུམ་དང་། ཉོན་མོངས་པ་ལྔ་དང་། སྣང་ཚུལ་བཅུ་བདུན་ལ་སོགས་སྟེ།། གཟུགས་ནས་ཐམས་ཅད་མཁྱེན་པའི་བར་ཐམས་ཅད་འཁོར་རོ།། དེ་ནས་སེམས་དཔའ་རྡོ་རྗེས་གསོལ་པ།། ཨེ་མ་ཧོ་བཅོམ་ལྡན་འདས། ཡེ་ཤེས་ཉི
15b3 ཟླའི་སྙིང་པོ་ལ།། འཁོར་བའི་དྲི་མ་ཡོད་དམ་མེད།། གཟུང་འཛིན་བློའི་དྲ་བ་འདི།། རྩད་ནས་གཅད་ན་ཇི་ལྟར་གཅད།། སྣ་ཚོགས་སྣང་བའི་ཆོས་རྣམས་ཀུན།། བསྡུ་ན་རྣམ་པ་དུ་རུ་འདས།། བཅོམ་ལྡན་འདས་ཀྱིས་བཀའ་སྩལ་པ།།
15b4 ཉོན་ཅིག་སེམས་དཔའ་རྡོ་རྗེ་ཉོན།། ནམ་མཁའ་ཉི་ཟླ་ག་ཕུར་ཤེལ།། རིས་མེད་ཀུན་གྱི་དངོས་གཞི་ལས།། རྒྱུ་རྐྱེན་དབང་གིས་སྣང་བ་འདི།། གདོད་ནས་དྲི་མེད་རྣམ་པར་དག། རྟོགས་ཅིག་སེམས་དཔའ་རྡོ་རྗེ་རྟོགས།། ཚིག་དྲུག་དོན
15b5 དྲུག་རྩལ་དྲུག་སྟེ།། ཆེ་བ་དྲུག་དང་ཐིག་ལེ་དྲུག། འགྲོ་དྲུག་འཁོར་བའི་དྲ་བ་གཅད།། བསྒོམས་ཅིག་སེམས་དཔའ་རྡོ་རྗེ་བསྒོམས།། ཆོས་ཅན་སྣ་ཚོགས་སྣང་བ་ཀུན།། ཆོས་ཉིད་དང་དུ་རོ་ཅིག་པས།། ཁྱབ་པདལ་འུང་ཆུབ་ཐིག
15b6 ལེར་འདུས།། སེམས་དཔའ་རྡོ་རྗེས་སླར་གསོལ་པ།། ཨེ་མ་བཅོམ་ལྡན་ཀུན་བྱེད་ཆེ།། ཐོག་མཐ་གཅད་པ་དེ་ཡིས་འཚལ།། བསྡུས་དང་རྒྱས་དང་རྣམ་པ་བརྒྱད།། ཤིན་ཏུ་རྒྱས་དང་ཡོངས་སུ་རྒྱས།། དྲུག་ཚམ་ལྔའི་བཤད་པ་ནི
iiif viewer powered by OpenSeadragon
