| e-texts navigator |
| Wylie |
98a1 སྐྱེད་གཟུགས་དང་གཟུགས་མེད་པའི་ཁམས་ལ་མངོན་པར་ཞེན་པ་དང་ལྡན་པའི་སེམས་མི་སྐྱེདཉན་ཐོས་ཀྱི་ས་དང་ལྡན་པའི་སེམས་མི་སྐྱེད། རང་སངས
98a2 རྒྱས་ཀྱི་ས་དང་ལྡན་པའི་སེམས་མི་སྐྱེད་བྱང་ཆུབ་སེམས་དཔའི་སྤྱོད་པ་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། ཐ་ན་མྱ་ངན་ལས་འདས་པར་ལྔ་བ་དང་ལྡན་པའི་སེམས་མི་སྐྱེད
98a3 དོ།། དེ་སེམས་རྣམ་པར་དག་པ་འདི་དང་ལྡན་པས་སེམས་ཅན་རྣམས་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱིས་ཁྱབ་པར་བྱེད་དོ།། ས
98a4 སེམས་ཅན་དུ་འདུ་ཤེས་པ་རྣམ་པར་བཤིག་པ་ཡིན་ཏེ་སེམས་ཅན་དུ་འདུ་ཤེས་པ་ལའང་མི་གནས་ཚངས་པའི་གནས་པ་བཞི་པོ་དག་ལའང་མངོན་པར་མ་ཞེན་ཏེ་ཐབས་ལ
98a5 མཁས་པ་དང་ལྡན་པ་ཤེས་རབ་དང་ལྡན་པར་འགྱུར་རོ།། ཆོས་དེ་དྲག་དང་ལྡན་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་མྱུར་དུ
98a6 ཡོངས་སུ་རྫོགས་པར་འགྱུར་རོ།། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་གཟུགས་ཁས་མི་ལེར་མི་འཛིན་ཏོ།། ཚོར་བ་དང་། འདུ་ཤེས་དང་འདུ་བྱེད
98a7 རྣམས་དང་རྣམ་པར་ཤེས་པ་ཁས་མི་ལེན་མི་འཛིན་ཏོ།། ཕྱིན་ཅི་ལོག་དང་། སྒྲིབ་པ་དང་ལྟ་བར་གྱུར་པ་ཁས་མི་ལེན་མི་འཛིན་ཏོ།། འདོད་པའི་ཁམས་དང་།
iiif viewer powered by OpenSeadragon
