| e-texts navigator |
| Wylie |
93b1 སེམས་དབུའི་སྤྱོད་པ་འདི་ནི་འཇིག་རྟེན་ཐམས་ཅད་ལས་མངོན་པར་འཕགས་པ་ལགས་སོ།། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་བྱང་ཆུབ་སེམས་དངའ་སེས
93b2 དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ།། དེ་དེ་བཞིན་ནོ།། རབ་ཀྱི་རྩལ་གྱིས་རྣམ་པར་གནོན་པ་དེ་དེ་བཞིན་ཏེ་བྱང་ཆུབ་སེམས
93b3 དཔའི་སྤྱོད་པ་འདི་ནི་བདུད་དམ་བདུད་ཀྱི་རིས་ཀྱི་ལྷའི་བུའམ་བདུད་ཀྱི་འཁོར་གྱིས་མི་ནོན་པའོ།། མྱ་ངན་ལས་འདས་པར་ལྟ་བ་འམ་མྱ་ངན་ལས་འདས་པ་ལ་མངོན
93b4 པར་ཞེན་པའི་བྱིས་པ་སོ་སོའི་སྐྱེ་བོ་ཐམས་ཅད་ཀྱིས་མི་ནོན་པའོ།། རབ་ཀྱི་རྡུལ་གྱིས་རྣམ་པར་གནོན་པའོ།། འདི་ནི་བྱང་ཆུབ་སེམས་དཔའ་རྣད་ཀྱི་སྤྱོད་པ་ཡིན་གྱི་འདི་ནི་ས
93b5 སོའི་སྐྱེ་བོ་ཐམས་ཅད་ཀྱི་སྤྱོད་པ་མ་ཡིན། འདི་ནི་སློབ་པ་དང་མི་སློབ་པ་དང་ཉན་ཐོས་ཀྱི་ཐེག་པ་ཅན་རང་སངས་རྒྱས་ཀྱི་ཐེག་པ་ཅན་རྣམས་ཀྱི་སྤྱོད་པ་མ་ཡིན་ནོ།།
93b6 རབ་ཀྱི་རྩལ་གྱིས་རྣམ་པར་གནོན་པ་གལ་ཏེ་འདི་ཉན་ཐོས་ཀྱི་ཐེག་པ་ཅན་ནམ་རང་སངས་རྒྱས་ཀྱི་ཐེག་པ་ཅན་རྣམས་ཀྱི་སྤྱོད་པར་གྱུར་ཏུ་ཟིན་ན་ནི་དེ་དག་ལ་ཉན་ཐོས་ཀྱི་ཐེག་པ་ཅན
93b7 ནམ་རང་སངས་རྒྱས་ཀྱི་ཐེག་པ་ཅན་ཞེས་བྱ་བའི་ཐ་སྙད་འདི་གང་ཡང་མེད་པར་འགྱུར་ཏེ། བྱང་ཆུབ་སེམས་དཔའ་ཉིད་དུ་འགྱུར་ཞིང་དེ་དག་མི་འཇིགས་པ་པ་ནི་ཐོབ་པའི་དེ་བཞིན
iiif viewer powered by OpenSeadragon
