| e-texts navigator |
| Wylie |
77a1 ཅད་ཡང་དག་པར་ཆད་པ་ནི། བྱང་ཆུབ་སེམས་དཔའི་སྤྱོད་པ་སྟེ། འདི་ནི་བྱང་ཆུབ་སེམས་དཔའི་སྤྱོད་པའོ།། འདིས་བྱང་ཆུབ་སེམས་དཔའི་སྤྱོད་པའོ།།
77a2 འདིའི་བྱང་ཆུབ་སེམས་དཔའི་སྤྱོད་པའོ།། འདི་ལས་བྱང་ཆུབ་སེམས་དཔའི་སྤྱོད་པའོ་ཞེས་བྱང་ཆུབ་སེམས་དཔའི་སྤྱོད་པ་དེ་ཀུན་ཏུ་བསྟན་པར་མི་ནུས་ཏེ། བྱང་ཆུབ་སེམས་དཔའི་སྤྱོད་པ
77a3 ནི་དེ་ལྟ་བུས་རབ་ཏུ་ཕྱེ་བ་མ་ཡིན་ནོ།། བྱང་ཆུབ་སེམས་དཔའ་དག་ནི། སོ་སོའི་སྐྱེ་བོའི་སྤྱོད་པ་བཟློག་པ་དང་། ཉན་ཐོས་ཀྱི་སྤྱོད་པ་བཟློག་པ་དང་། རང་སངས་རྒྱས་ཀྱི་སྤྱོད་པ་བཟློག
77a4 པ་དང་། སྤྱོད་པ་ཐམས་ཅད་བཟློག་པའི་ཕྱིར། བྱང་ཆུབ་སེམས་དཔའི་སྤྱད་པ་སྤྱོད་དོ།། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་འདི་དག་ནི། སངས
77a5 རྒྱས་ཀྱི་ཆོས་དེ་དག་གོ།། འདི་སངས་རྒྱས་ཀྱི་ཆོས་དེ་དག་གོ།། འདིའི་སངས་རྒྱས་ཀྱི་ཆོས་དེ་དག་གོ་ཞེས་སངས་རྒྱས་ཀྱི་ཆོས་གང་ཡིན་པ་དེ་དག་ལའང་མི་སྤྱོད་ཅིང་མངོན་པར་ཞེན་པ་མེད་དེ
77a6 རབ་ཀྱི་རྡུལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི་དེ་ལྟར་མི་སྤྱོད་དོ།། རབ་ཀྱི་རྩལ་གྱིས་རྣམ་པར་གནོན་པ། འདི་དག་ཐམས་ཅད་རི་རྣམ་པར་རྟོག་པ་སྤྱོད་པའོ།།
77a7 བྱང་ཆུབ་སེམས་དཔའི་སྤྱོད་པ་ནི་རྟོག་པ་ཐམས་ཅད་སྤངས་པ་ཡིན་པས། བྱང་ཆུབ་སེམས་དཔའ་ནི་རྣམ་པར་རྟོག་པ་དང་མི་རྟོག་པ་ལ་མི་སྤྱོད་དོ།། རབ་ཀྱི་རྒྱལ་གྱིས་རྣམ་པར་གནོན་པ།
iiif viewer powered by OpenSeadragon
