| e-texts navigator |
| Wylie |
70a1 འབྲས་བུ་ནི་འདི་མ་ཡིན་ཏེ། གང་བྱང་ཆུབ་སེམས་དཔའ་དང་ཉན་ཐོས་འདི་ལྟ་བུའི་ཆོས་ཐོས་ན། བག་མེད་པར་མི་འགྱུར་བ་དང་ཡིད་སྟོན་པར་མི་འགྱུར་བ
70a2 དང་། འདུད་པ་ཡོངས་སུ་ཉམས་པ་དང་། བརྩོན་འགྲུས་བྲི་བ་དང་། མ་གྲིམས་པ་སྟོན་པ་དང་། གནོད་སེམས་མང་དུ་འགྱུར་བ་དེ་ནི་ཐོས་པའི་འབྲས་བུ་མ་ཡིན་ནོ།། དེ་དག་གིས
70a3 འདི་ལྟ་བུའི་ཆོས་འདི་ཐོས་པ་མ་ཡིན་ནོ།། ཤཱ་རིའི་བུ། ཐོས་ཤེས་བྱ་བ་དེ་ནི་ཡང་དག་པའི་ནན་ཏནར་གྱི་ཚིག་བླ་དགས་ཏེ། ལོག་པའི་ན་ཏར་གྱི་མ་ཡིན་ནོ།། ཤ་རིའི་བུ་ལོག
70a4 པར་ཞུགས་པས་ནི། ཆོས་འདི་ཐོས་པར་མི་འགྱུར་རོ།། ཤཱ་རིའི་བུ། ཐོས་ནས་ཁྱོད་དོན་ལ་མཁས་ཤིང་ནན་ཏན་གྱིས་གནས་པར་བྱའོ།། ཤཱ་རིའི་བུ་ལོག་པར་ཞུགས
70a5 པ་རྣམས་ལ་རྗེས་སུ་འཐུན་པའི་བཟོད་པའང་མེད་དོ།། ཤཱ་རིའི་བུ། གང་ཇི་སྐད་བསྟན་པའི་ཆོས་འདི་ལ་ལོག་པར་མི་སྒྲུབ་པ་དེ་ནི། ཆོས་འདི་ལ་ནན་ཏན་བྱེད་པ་ཞེས་བྱའོ།། ཤཱ་རིའི་བུ།
70a6 བཟོད་པ་ཕུན་སུམ་ཚོགས་པའི་གང་ཟག་ནན་ཏན་ལ་གནས་པ་དག་ནི་ཕྱིར་ངན་སོང་དུ་འགྲོ་བར་མི་འགྱུར་གྱི། མྱུར་དུ་ཆོས་འདི་ཡང་དག་པར་སྒྲུབ་པར་འགྱུར་རོ།། དགེ་བའི་རྩ་བ་དང་ངོར
70a7 ཙ་མ་ལ་ཡིད་བརྟན་པར་མི་བྱ་སྟེ། ཆོས་འདི་ཡོངས་སུ་མ་གྲུབ་ཀྱི་བར་དུ་བརྩོན་པ་མི་གཏོང་བའང་ཡིད་བརྟན་པར་མི་བྱའོ།། ཤཱ་རིའི་བུ། གང་ཆོས་འདི་བསླབས་པ་དང་། ཡོངས་སུ
iiif viewer powered by OpenSeadragon
