| e-texts navigator |
| Wylie |
69a1 ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི་སེམས་ཅན་གང་དགེ་བའི་རྩ་བ་ཡོངས་སུ་དག་པ་དང་ལྡན་པ། སངས་རྒྱས་མང་པོ་ལ་བསྙེན་བཀུར་བྱས་པ་དེ་དག་གི་ལག་ཏུ
69a2 འགྲོ་བར་འགྱུར་རོ།། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི་སེམས་ཅན་གང་དག་དགེ་བའི་རྩ་བ་བསྐྱེད་པ། བསམ་བདགེ་བ། སངས་རྒྱས་བཅོམ་ལྡན་འདས་རྣམས་ལ་ལྷག་པར
69a3 བྱ་བ་བྱས་པ་བྱང་ཆུབ་ཀྱི་ཕྱིར་ས་བོན་བསྐྱེད་པ། སངས་རྒྱས་ཀྱི་ཐེག་པ་ལ་ཞུགས་པ། སངས་རྒྱས་བཅོམ་ལྡན་འདས་རྣམས་དང་ཉེ་བར་གནས་པ། ཚུལ་བཞིན་ཀུར་འདྲི་བ་དེ་དག་གི
69a4 ལག་ཏུ་འགྲོ་བར་འགྱུར་རོ།། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི། གང་དག་བཟོད་པ་འཐོབ་པ་དང་ཉེ་བར་གྱུར་པ་དང་། བཟོད་པ་ཐོབ་པ་དེ་དག་གི་ལག་ཏུ་འགྲོ་བར་འགྱུར་རོ།། གང
69a5 ངག་ལུང་བསྟན་པ་དེ་དག་ཀྱང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། སྨོན་ལམ་གྱི་དབང་གིས་ནི་མ་གཏོགས་སོ།། གང་དག་ལུང་མ་བསྟན
69a6 པ་དེ་དག་ཀྱང་མྱུར་དུ་མངོན་པར་ལུང་བསྟན་པ་ཐོབ་པར་འགྱུར་རོ།། ཤཱ་རིའི་བུ། སེམས་ཅད་གང་དག་དགེ་བའི་རྩ་བ་ཡོངས་སུ་མ་སྨིན་པའི་རྣ་ལམ་དུ་མདོ་སྡེ་འདི་ཐོས་པར་གྱུར་པ་དེ་དག་ཀྱང་ལུང་བསྟན
69a7 པ་ཉིད་དུ་རིག་པར་བྱེན། གང་མདི་སྡེ་འདི་རྙེད་པ་དང་། ཡི་གེར་འདྲི་བ་དང་། འཆང་བ་དང་། ལུང་ནོད་པ་དང་། ཁ་ཏོན་བྱེད་པ་དང་། གཞན་ལའང་རྒྱ་ཆེར་རབ་ཏུ་སྟོན་པ་ལྟ་ཅི་སྨོས།
iiif viewer powered by OpenSeadragon
