| e-texts navigator |
| Wylie |
46a1 ཡིར་རོ།། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྨིག་རྒྱུ་མཐོང་བའི་སྐྱེ་བུ་སྨིག་རྒྱུ་བཤད་པ་བསྟན་ཀྱང་སྨིག་རྒྱུ་བསྟན་པ་ཀུང
46a2 ཡང་མེད་ན། སྨིག་རྒྱུ་བསྟན་པའི་རང་བཞིན་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་ཀྱང་། ཤེས་རབ་ཀྱི་ཕ་རོལ
46a3 ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྨིག་རྒྱུ་ནི་ཆོས་གང་ཡང་བསྟན་པར་ཡང་ཉེ་བར་གནས་པ་མ་ཡིན་ནོ།།
46a4 དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་བྲག་ཆའི་སྤྱོད་ཡུལ
46a5 ལ་གནས་པའི་སྐྱེས་བུས་བྲག་ཆུའི་སྒྲ་ཐོས་ཀྱི་དེ་ནི་མི་མཐོང་སྟེ། ནམ་བདག་གིས་སྒྲ་ཕྱུང་བ་དེའི་ཚེ་སྒྲ་དེ་ཐོས་སོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་ཚིག
46a6 ཐོས་པར་འགྱུར་ཡང་། ཆོས་གང་བསྟན་པ་ཐོས་པར་འགྱུར་བ་མང་དེ། གཞན་དུ་ན་ནམ་མངོན་པར་བཤད་པ་དེའི་ཚེ། ཀུན་ཤེས་ཤིང་ཐོས་པའི་ལམ་དུ་འགྱུར་རོ།། རབ་ཀྱི་རྩལ
46a7 གྱིས་རྣམ་པར་གནོན་པ། འདི་ལྟ་སྟེ། དཔེར་ན་ལྦུ་བ་རྡོས་པ་མཐོང་བའི་སྐྱེས་བུ་ལྦུ་བ་རྡོས་པའི་རང་བཞིན་བསྟན་ཀྱང་། ལྦུ་བ་རྡོས་པའི་རང་བཞིན་ནང་དང་ཕྱི་ནས་ཀྱང་མི་དམིགས
iiif viewer powered by OpenSeadragon
