| e-texts navigator |
| Wylie |
25a1 བསམ་པ་རྒྱ་ཆེ་བ་ཆོས་ཟབ་མོའི་ཚུལ་ལས་ངེས་པར་སྐྱེས་པ་དེ་དག་ནི། དེ་བཞིན་གཤེགས་པའི་ཆོས་ཀྱི་ཚུལ་གྱི་ཆར་ཆེན་པོ་འདི་བཟོད་དོ།། ཐོས་ནས་རབ་ཏུ
25a2 དགའ་ཞིང་མགུ་སྟེ་བདེ་བར་ཤེས་སོ།། ཀུན་དགའ་བོ།། དེ་བཞིན་གཤེགས་པས་དོན་གྱི་དབང་འདི་ལ་བརྟེན་ཏེ། བསམ་པ་དག་པའི་འཁོར་དུ་སེང་གེའི་སྒྲ་ཆེན་པོ་སྒྲོག་ཅིང་། ཆོས་ཀྱི
25a3 ཆར་ཆེན་པོ་འབེབས་སོ།། ཀུན་དགའ་བོ།། འདི་ལྟ་སྟེ། དཔེར་ན་འཁོར་ལོ་སྒྱུར་བའི་རྒྱལ་པོ་རིན་པོ་ཆེའི་མཛོད་མང་པོ་བསམ་པ་དང་ལྡན་པ་དེས། བུ་མང་པོ་རིགས་དང་ལྡན་ཞིང་།
25a4 རྒྱུད་ཀྱིས་ཀྱང་དག་པ་དེ་དག་ཐམས་ཅད་བཀུག་ནས་རིན་པོ་ཆེའི་མཛོད་བགོས་ཏེ། བུ་གང་ལའང་མི་བསླ་བར་བྱིན་ནོ།། དེ་ལྟར་བགོས་པ་དེ་དག་འཁོར་ལོ་སྒྱུར་བའི་རྒྱལ་པོ་དེ་དགའ་བ་དང་།
25a5 མགུ་བ་ཆེན་པོ་ལྷག་པར་སྐྱེས་ནས། འཁོར་ལོ་སྒྱུར་བའི་རྒྱལ་པོ་དང་དོན་མཚུངས་པར་གྱུར་ཏོ་སྙམ་སྟེ། བདག་བདེ་བར་ཤེས་སོ།། ཀུན་དགའ་བོ་དེ་བཞིན་དུ་དེ་བཞིན་གཤེགས་པ
25a6 ཆོས་ཀྱི་རྒྱལ་པོ།། ཆོས་ཀྱི་བདག་པོ་རང་བྱུང་གིས་ཀྱང་སྲས་དེ་དག་བསྡུས་ནས། ཆོས་རིན་པོ་ཆེའི་མཛོད་འདི་མཉམ་པར་བགོས་ཏེ། སྲས་དེ་དག་གང་ལའང་མི་སྨྲ་བས
25a7 དག་གང་ལ་དགའ་བ་དང་། མགུ་བ་དང་། གུས་པ་ཆེར་སྐྱེད་ཅིང་། དོན་མཐུན་པ་སངས་རྒྱས་ཀྱི་རིགས་མི་གཅོད་པར་གནས་སོ།། ཀུན་དགའ་བོ། སེམས་ཅན་གཞན་དམན་པ
iiif viewer powered by OpenSeadragon
