| e-texts navigator |
| Wylie |
24a1 སངས་རྒྱས་མང་པོ་ལ་བསྙེན་བཀུར་བྱས་པ། ཟབ་མོ་ལ་མོས་པ། ཟབ་མོ་སྤྱོད་པ་སྟེ། ཀུན་དགའ་བོ། འཁོར་བ་དེ་ལ་དེ་བཞིན་གཤེགས་པས་ཡིད་བསྟན་ནས
24a2 ཆོས་མངོན་པར་སྟོན་གྱིས། རྗེས་སུ་སྲུང་བའི་ཆོས་ནི་ཅུང་ཟད་ཀྱང་མི་སྟོན་ནོ།། ཀུན་དགའ་བོ། འཁོར་འདི་ནི་སྙིང་པོ་སྟེ། ས་ཞག་དང་། གསེག་མ་དང་། གྱོ་མོ་མེད་པ་སངས
24a3 རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། སྙིང་པོ་ལ་རབ་ཏུ་གནས་པའོ།། ཀུན་དགའ་བོ། གསེག་མ་དང་གྱོ་མོ་ཞེས་བྱ་བ་དེ་ནི་བྱིས་པ་སོ་སོའི་སྐྱེ་བོ་རྣམས་ཀྱི་ཆོག་བླ་དགས་ཏེ། གང
24a4 དགྲ་ཆོས་འདི་ལ་གོ་སྐབས་མེད་པའོ།། ཀུན་དགའ་བོ། ས་ཞག་ཅེས་བྱ་བ་འདི་ནི།། སེམས་ཅན་ང་རྒྱལ་ཅན་རྣམས་ཀྱི་ཚིག་བླ་དགས་སོ།། ཀུན་དགའ་བོ། འཁོར་འདི་ནི་ང་རྒྱལ་མེད་པ
24a5 དགེ་བའི་རྩ་བ་ཆེན་པོས་མངོན་པར་འཕགས་པའོ།། ཀུན་དགའ་བོ། འདི་ལྟ་སྟེ། དཔེར་ན་ཀླུའི་རྒྱལ་པོ་མ་དྲོས་པ་རབ་ཏུ་དགའ་བར་གྱུར་ཏེ། དགའ་བ་དང་ཡིད་བདེ་བ་སྐྱེས་ནས
24a6 རང་གི་གནས་ན་འདོད་པའི་ཡོད་ཏན་ལྔ་སྤྱོད་ཅིང་། རང་གི་གནས་ན་རབ་ཏུ་དགའ་བར་ཡང་ལག་བརྒྱད་དང་ལྡན་པའི་ཆར་པའི་ཆུ་ཆེན་པོ་འབེབས་སོ།། དེའི་བུར་གྱུར་པ་དེ་དག་ཀྱང
24a7 རབ་ཏུ་དགའ་ནས། རང་རང་གི་གནས་ན་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ཏེ། རྩེ་ཞིང་ཆར་ཆེན་པོ་འབེབས་སོ།། ཀུན་དགའ་བོ་དེ་བཞིན་དུ་དེ་བཞིན་གཤེགས
iiif viewer powered by OpenSeadragon
