| e-texts navigator |
| Wylie |
20a1 པར་བརྟགས་ཏེ། གཉིས་སུ་མངོན་པར་ཞེན་ནས།། བྱང་ཆུབ་ཀྱི་ཕྱིར་སེམས་བསྐྱེད་དོ།། རབ་ཀྱི་རྡུལ་གྱིས་རྣམ་པར་གདོན་བུ། སེམས་ཀྱང་གཞན་མ་ཡིན།
20a2 བྱང་ཆུབ་ཀྱང་གཞན་མ་ཡིན། སེམས་ལ་བྱང་ཆུབ་མེད། བྱང་ཆུབ་ལའང་སེམས་མེད་དེ། བྱང་ཆུབ་གང་ཡིན་པ་དང་། སེམས་གང་ཡིན་པ་དེ་ནི། ཡང་དག་པ་ཇི་ལྟ་བ་ཉིད་དང་།
20a3 ཇི་ལྟ་བ་བཞིན་ནོ།། དེ་ལ་ནི་བྱང་ཆུབ་མེད། སེམས་ཀྱང་མེད་།། གང་གི་སེམས་ཉིད་དང་། བྱང་ཆུབ་དང་། སྐྱེ་བ་དང་། མི་སྐྱེ་བའང་མི་དམིགས་པ་དེ་བྱང་ཆུབ་སེམས་དཔའ
20a4 ཞེས་བྱའོ།། ཡང་དག་པ་ཇི་ལྟ་བ་བཞིན་གྱི་སེམས་དཔའ་ཞེས་བྱའོ།། སེམས་དཔའ་ཆེན་པོ་ཞེས་བྱའོ།། དེ་ཅིའི་ཕྱིར་ཞེ་ན། དེས་ཡང་དག་པ་མ་ཡིན་པ་གང་ཡིན་པ་དེ་ཤེས
20a5 པའི་ཕྱིར་རོ།། ཡང་དག་པ་མ་ཡིན་པ་གང་ཞེ་ན། འཇིག་རྟེན་ཐམས་ཅད་ནི་ཡང་དག་པ་མ་ཡིན་པ་སྟེ། ཡང་དག་པ་མ་ཡིན་པར་གརྟོགས་སོ།། ཀྱེ་མ་འཇིག་རྟེན་གནས་པ་འདི
20a6 ནི་ཡང་དག་པ་མ་ཡིན་པའོ།། མ་བྱུང་བའོ།། དེ་ཅིའི་ཕྱིར་ཞེ་ན། ཡང་དག་པ་མ་ཡིན་པ། མི་འབྱུང་བ་ཞེས་བྱ་ཞེ་ན། ཡང་དག་པ་མ་ཡིན་པ་ལ་འབྱུང་བ་གང་ཡང་མེད་དེ
20a7 ཡང་དག་པ་མ་ཡིན་པ་རི་མི་འབྱུང་བའོ།། དེའི་ཕྱིར་ཆོས་ཐམས་ཅད་ངོ་བོ་ཉིད་ཀྱིས་མེད་པ་ཡང་དག་པ་མ་ཡིན་པ་ཞེས་བྱའོ།། གང་གིས་དེ་ལྟར་ཤེས་པ་དེ་ནི། ཡང་དག་པར
iiif viewer powered by OpenSeadragon
