| e-texts navigator |
| Wylie |
18a1 པར་རྟོག་པ་ལ་སྤྱོད་པ་འམ། རྣམ་པར་སྤྱོད་པ་མེད་དེ། དེ་ནི་སྤྱོད་པ་མེད་པའི་ཚུལ་གྱིས། བྱང་ཆུབ་སེམས་དཔའ་རྣམས་ཀྱི་སྤྱོད་པ་ཞེས་བྱའོ།། རབ་ཏུ
18a2 རྩལ་གྱིས་རྣམ་པར་གནོན་པ། དེ་ལྟར་ན་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་ལ་སྤྱོད་པ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། གྲོང་དེ་ལྟར་ཆོས་འོང
18a3 དུ་ཆུད་ཅིང་རབ་ཏུ་རྟོགས་པ་དེའི་ཕྱིར། བྱང་ཆུབ་སེམས་དཔའ་ཞེས་བྱའོ།། དེས་སེམས་ཅན་དུ་འདུ་ཤེས་བསལ་བས། སེམས་ཅན་མེད་པ་ཞེས་བྱ་བ་དེ་ནི། བྱང་ཆུབ་སེམས
18a4 དཔའི་ཚིག་བླ་དགས་སོ།། དེ་ཅིའི་ཕྱིར་ཞེ་ན། ངེས་སེམས་ཅན་ཐམས་ཅད་ཡང་དག་པ་མ་ཡིན་པ་དང་། སེམས་ཅན་ཐམས་ཅད་སེམས་ཅན་མ་ཡིར་པ་དང་། སེམས་ཅན་ཐམས
18a5 ཅད་ནི་ཕྱིན་ཅི་ལོག་གི་སེམས་ཅན་དང་། སེམས་ཅན་ཐམས་ཅད་ནི་ཡོངས་སུ་བརྟགས་པས་སེམས་ཅན་དང་། སེམས་ཅན་ཐམས་ཅད་ནི་ཡོད་པ་མ་ཡིན་པ་ལ་དམིགས་པས་སེམས་ཅད་དང་།།
18a6 སེམས་ཅད་ཐམས་ཅད་རི་རང་གིས་སྤྱོད་པ་རྣམ་པར་མ་རུང་བར་བྱས་པས་སེམས་ཅན་དང་། སེམས་ཅན་ཐམས་ཅད་ནི་མ་རིག་པ་འདུ་བྱེད་པས་སེམས་ཅན་ནོ་ཞེས་ཤེས་པའི་ཕྱིར་རོ།། དེ་ཅིའི
18a7 ཕྱིར་ཞེ་ན། སེམས་ཅར་ཐམས་ཅད་ནི་ཆོས་གང་དག་མེད་པའི་ཆོས་དེ་དག་མངོན་པར་འདུ་བྱེད་པས། དེའི་ཕྱིར་སེམས་ཅན་ཐམས་ཅད་ནི་མ་རིག་པ་འདུ་བྱེད་པས་སེམས་ཅན་ཞེས་བྱའོ།།
iiif viewer powered by OpenSeadragon
