| e-texts navigator |
| Wylie |
135a1 ཅག་རྣམས་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་མང་པོར་དགེ་བའི་རྩ་བ་བསྒྲུབས་པ་བླ་ན་མེད་པའི་ཆོས་རིང་པོ་ཆེའི་མཛོད་འདི
135a2 འཛིན་ཅིང་ཀླག་པར་སྤྲོ་ལགས་སོ།། གང་དག་ཐ་མའི་དུས་དེ་ན་ཚེས་འདི་ཚོལ་བ་ཆོས་འདི་ལ་སློབ་འཚལ་བ། གཡོ་མ་མཆིས་པ། དྲང་བ་སྒྱུ་མ་མཆིས
135a3 པ་གང་སྲོག་གི་ཕྱིར་ཡང་མི་གཏོང་བ་ཆོས་འདི་ལ་སླར་མི་རྒོལ་བ་ཆོས་ཀྱི་རྣམ་གྲངས་འདི་སྤོང་བར་མི་འགྱུར་བ། ཆོས་ཀྱི་རྣམ་གྲངས་འདི་ལ་རྒྱབ་ཀྱིས་ཕྱོག
135a4 པར་མི་འགྱུར་བ་ནི་རབ་ཏུ་ཉུང་བར་འགྱུར་ཏེ། དེ་དག་གི་དོན་བགྱི་ཞིང་སྤྲོ་བར་སྩལ་ནས་ཆོས་འདི་ལྟ་བུ་འདི་ལ་ཡང་དག་པར་གཟེངས་བསྟོད་པར་བགྱི། ཡང་དག་པར་རབ
135a5 ཏུ་དགའ་བར་བགྱི་ལགས་སོ།། དེ་ནས་བཅོམ་ལྡན་འདས་ཀྱིས་དེའི་དུས་ན་ཆོས་ཀྱི་གནས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་བྱིན་གྱིས་བརླབས་ཏེ།
135a6 ཆོས་ཀྱི་རྣམ་གྲངས་འདི་ལ་བདུད་སྡིག་ཅན་རྣམས་ཀྱི་ཞགས་པ་གཅད་པའི་ཕྱིར་བྱིན་གྱིས་བརླབ་པ་མཛད་དོ།། དེ་ནས་བཅོམ་ལྡན་འདས་འཛུམ་པ་མཛད་པ་དང་། སྟོང
135a7 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བ་ཆེན་པོས་ཁྱབ་པར་འགྱུར་ཏོ།། ལྷ་རྣམས་ཀྱིས་ཀྱང་མི་མཐོང་། མི་རྣམས་ཀྱིས་ཀྱང་ལྷ་མཐོང་ངོ་།། གང་དེར་འདུས་པའི
iiif viewer powered by OpenSeadragon
