| e-texts navigator |
| Wylie |
112a1 མི་སྐྱེ་བ་དང་། ཟད་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ་ལ་གནས་པར་མི་འགྱུར། རིག་པ་དང་། རྣམ་པར་གྲོལ་བ་ལ་གནས་པར
112a2 མི་འགྱུར། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བས་གནས་པར་མི་འགྱུར། སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱི་ས་ལ
112a3 གནས་པར་མི་འགྱུར། སོ་སོའི་སྐྱེ་བོའི་ཆོས་དང་། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། སངས་རྒྱས་ཀྱི་ཆོས་ལ་གནས་པར་མི་འགྱུར། མྱ་ངན་ལས
112a4 འདས་པ་ལ་གནས་པར་མི་འགྱུར། འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པ་ལ་གནས་པར་མི་འགྱུར། དུས་གསུམ་མཉམ་པ་ཉིད་ལ
112a5 གནས་པར་མི་འགྱུར། སངས་རྒྱས་ཀྱི་ཡེ་ཤེས་དང་སྟོབས་དང་། མི་འཇིགས་པ་ལ་གནས་པར་མི་འགྱུར། ཐམས་ཅད་མཁྱེན་པའི་ཡེ་ཤེས་ལ་གནས་པར་མི་འགྱུར།
112a6 མཚན་ཕུན་སུམ་ཚོགས་པ་ལ་གནས་པར་མི་འགྱུར། སངས་རྒྱས་ཀྱི་ཞིང་ཕུན་སུམ་ཚོགས་པ་ལ་གནས་པར་མི་འགྱུར། ཉན་ཐོས་ཕུན་སུམ་ཚོགས་པ་ལ་གནས་པར་མི་འགྱུར།
112a7 བྱང་ཆུབ་སེམས་དཔའ་བཀོད་པ་ཕུན་སུམ་ཚོགས་པ་ལ་གནས་པར་མི་འགྱུར། ཆོས་ཐམས་ཅད་ལ་གནས་པར་མི་འགྱུར། མི་གཡོ་ཀུན་ཏུ་མི་གཡོའོ།། དེས་གནས་ཐམས
iiif viewer powered by OpenSeadragon
