| e-texts navigator |
| Wylie |
110a1 དང་མཉམ་པ་དང་ལྡན་པར་འགྱུར་རོ།། དེའི་ཕྱིར་དེ་ལ་བདུད་སྡིག་ཅན་གྱི་ཟིལ་གྱིས་གནོན་མི་ནུས་སོ།། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ།
110a2 ཤེས་རབ་ཀྱི་ཕ་རོལ་ཏུ་ཕྱིན་པའི་མཚོན་ཆ་དེ་ནི་མཚོན་ཆ་ཆེན་པོའོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། ཤེས་རབ་ཀྱི་རལ་གྲི་དེ་ནི་རལ་གྲི་ཆེན་པོ་སྟེ། དེ་ནི
110a3 བདུད་སྡིག་ཅན་རྣམས་ཀྱི་ཡུལ་མ་ཡིན། སྤྱོད་ཡུལ་མ་ཡིན་ནོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། བྱང་ཆུབ་སེམས་དཔའི་ཤེས་རབ་དང་། ཐ་མལ
110a4 པ་དེ་ལྟ་བུའི་ཤེས་རབ་ཀྱང་ཕྱི་རོལ་གྱི་དྲང་སྲོང་གང་དག་བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་རྙེད་པ་དང་། གང་དག་བདུད་ཀྱི་ཡུལ་འདོད་པའི་ཁམས
110a5 ལས་འདས་ནས། ཚངས་པའི་འཇིག་རྟེན་དང་། གཟུགས་མེད་པའི་ལྷའི་རིས་བཞིར་སྐྱེ་བ་དེ་དག་གི་ཡུལ་ཡང་མ་ཡིན། སྤྱོད་ཡུལ་ཡང་མ་ཡིན་ན། ཤེས་རབ
110a6 ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཤེས་རབ་ལྔ་ཅི་སྨོས་ཏེ། གང་གཟུགས་དང་གཟུགས་མེད་པའི་ཁམས་ཀྱི་ཡུལ་མ་ཡིན་པ་དེ་བདུད་སྡིག་ཅན་རྣམས་ཀྱི་ཡུལ་ག་ལ་ཡིན།
110a7 རབ་ཀྱི་རྩལ་གྱིས་རྣམ་པར་གནོན་པ། སྟོབས་བསྐྱེད་པ་རྙེད་པའི་བྱང་ཆུབ་སེམས་དཔའ་ནི་དེའི་ཚེ་འདི་ལྟ་སྟེ། སྟོབས་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟོབས
iiif viewer powered by OpenSeadragon
