| e-texts navigator |
| Wylie |
90b1 ཐོས་སོ།། ལོང་བ་རྣམས་ནི་མིག་ཐོབ་བོ།། སྨྱོན་པ་རྣམས་ནི་དྲན་པ་རྙེད་དོ།། ནད་པ་རྣམས་ནི་སོས་པར་གྱུར་ཏོ།། སྨྲས་མ་རྣམས་ནི་བདེ་བར་བཙས་སོ།། སེམས་ཅན་དམྱལ་བ་ཐམས་ཅད་ཀྱི་སྡུག་བསྔམ།
90b2 རྣམས་ནི་མེད་པར་གྱུར་ཏོ།། ཡུད་ཙམ་དེ་ལ་དུད་འགྲོའི་སྐྱེ་གནས་དང་། ཡི་དགས་ཀྱི་གནས་དང་། གཤིན་རྗེའི་འཇིག་རྟེན་རྣམས་ཀྱི་མིང་ཡང་མི་གྲག་པར་གྱུར་ཏོ།། འཇིག་རྟེན་གྱི་བར་གང་དག་སུན
90b3 པ་མུན་ནག་དང་། མུན་པ་མུན་ནག་ཆེན་པོར་འདུག་པ་དེ་དག་ཐམས་ཅད་ཀྱང་གསལ་བར་སྣང་བར་གྱུར་ཏོ།། དེར་སེམས་ཅན་གང་དག་སྐྱེས་པ་དེ་དག་ཐམས་ཅད་དང་། སེམས་ཅན་གཞན་འདིར
90b4 སྐྱེས་པ་རྣམས་ཀྱང་གཅིག་གིས་གཅིག་ཤེས་སོ།། དེ་ནས་སེམས་ཅན་དེ་དག་ཐམས་ཅད་ཀྱིས་ངོ་མཚར་རྨད་དུ་བྱུང་བའི་ཆོས་ཀྱི་དགའ་བ་ཐོབ་སྟེ་བདེ་བ་མཆོག་གིས་ཚིམ་པར་གྱུར་ནས་ཀུན་ཏུ
90b5 བལྟས་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་སྟེ། དེ་དག་གིས་གསེར་གྱི་མཆོད་སྡོང་ལྟར་དཔལ་གྱིས་འབར་ཞིང་རང་གི་གཟི་བརྗིད་ཀྱིས
90b6 མངོན་པར་འཕགས་པ་དེ་མཐོང་ནས་དེ་ཉིད་ལ་སྐྱབས་སུ་དོང་ངོ་།། སྐྱབས་སུ་དོང་མ་ཐག་ཏུ་དེ་དག་ཐམས་ཅད་དེ་བཞིན་གཤེགས་པའི་འཁོར་གྱི་དཀྱིལ་འཁོར་དེ་ཉིད་དུ་བདག་སོན་པ
90b7 སྙམ་དུ་ཤེས་སོ།། སྣང་བ་དེས་བདུད་ཀྱི་ཁྱིམ་ཐམས་ཅད་ཀུན་ཏུ་འབར། རབ་ཏུ་འབར། ཀུན་ཏུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པར་ཀུན་ཏུ་སྣང་ངོ་།། བདུད་རྩི
iiif viewer powered by OpenSeadragon
