| e-texts navigator |
| Wylie |
89b1 པར་གྲུབ་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་བརྒྱ་ན་པས་ནི་མཛེས་ཤིང་། རིན་པོ་ཆེ་རྡོ་རྗེའི་པདྨའི་སྙིང་པོའི་སེང་གེའི་ཁྲི་ལ་ནི་བཞུགས།
89b2 ཏེ་གདན་རིན་པོ་ཆེ་དང་། རྡོ་རྗེའི་པདྨའི་སེང་གེའི་ཁྲི་རི་རབ་ཙམ་རྡོ་རྗེ་དང་། རིན་པོ་ཆེ་དང་། མུ་ཏིག་དང་ལྡན་པའི་དྲིལ་བུ་གཡེ་ར་ཀའི་དྲ་བ་དུ་མ་སིལ་སིལ་སྒྲ་འབྱུང་བ། རྡོ་རྗེ་དང་རིན་པོ་ཆེ་དུ་མའི
89b3 སྟེགས་བུ་ལ་རྩ་བ་ལེགས་པར་བརྟེན་པ། རྡོ་རྗེ་དང་རིན་པོ་ཆེ་དུ་མའི་ཆུ་སྲིན་གྱི་ཁ་ནས་བྱུང་བའི་མུ་ཏིག་དམར་པོའི་འཕྲེང་བ་དང་ལྡན་པའི་སྣམ་རྟེན་དང་བཅས་པ། རིན་པོ་ཆེ་དུ་མའི་པདྨའི
89b4 སྙིང་པོ་ལ་ཆགས་པའི་རིན་པོ་ཆེ་ཀེ་ཀེ་རུ་དང་། ཀེ་ཀེ་རུ་ཆེན་པོ་དང་། ཨན་ད་རྙིལ་དང་། མཐོན་ཀ་ཆེན་པོ་དང་། དུན་ལས་དུ་མའི་འོད་ཟེར་འབར་བས་སྣང་བར་གྱུར་པས་ཀུན་ཏུ་མཛེས་པ
89b5 རིན་པོ་ཆེ་དང་རྡོ་རྗེའི་ཐུར་མས་བརྒྱན་པའི་གདུགས་ཡུ་བས་བསྟོད་པ་བྱེ་བ་ཁྲག་ཁྲིག་འབུམ་ཕྲག་དུ་མས་གྲིབ་མར་བསྒྲིབས་ཤིང་བསྐྱབས་པ། དཔག་བསམ་གྱི་ཤིང་དུ་མས་མཛེས་པར་བྱས
89b6 པ་རྒྱ་ཆེ་བ་ལ་བཞུགས་ཏེ། གསེར་གྱི་རི་བོ་ལྟར་དཔལ་གྱིས་འབར་བ། ཉི་མ་སྟོང་པས་ལྷག་པའི་འོད་ཀྱི་དཀྱིལ་འཁོར་འབྱོར་པས་ས་ཕྱོགས་མཛེས་པར་གྱུར་པ། ཟླ་བ་ཉ་བ་ལྟར་འཇིག
89b7 རྟེན་ཀུན་གྱིས་མཐོང་ན་དགའ་བ། དཔག་བསམ་གྱི་ཤིང་ལྗོན་པ་ཆེན་པོ་ལྟར་སངས་རྒྱས་ཀྱི་ཆོས་རྣམས་ཀྱིས་ཡང་དག་པར་རྒྱས་པར་ཆོས་སྟོན་ཏེ་ཚངས་པར་སྤྱོད་པ། ཐོག་མར་དགེ་བ
iiif viewer powered by OpenSeadragon
