| e-texts navigator |
| Wylie |
80b1 དཔལ་རྩ་བ་བདག་པོ་བཅོམ་ལྡན་འདས་ཀྱི་མདུན་དུ་འབུམ་བཟླས་ན་སྔོན་དུ་བསྙེན་པ་བྱས་པར་འགྱུར་རོ།། དེ་ནས་ཟླབ་ཉལ་ཇི་ལྟར་འབྱོར་པའི་མཆོད་པ་བྱས་ཏེ། གུ་གུལ་གྱི་བདུག་པ་སྤྱོམ་ནི
80b2 མཚན་ཐོག་ཐག་བཟླས་སོ།། དེ་ནས་ཐོ་རངས་ངེས་པར་འོང་ངོ་།། འོངས་པ་ལ་ཙན་དན་གྱི་མཆོད་ཡོན་སྦྱིན་ཞིང་ལེགས་པར་འོངས་སོ་ཞེས་བརྗོད་ན། ཀྱེ་སྒྲུབ་པ་པོ་ཙ་བཀའ་སྩོལ་ཞེས་སྦའོ།། སྒྲུབ
80b3 པ་པོས་བདག་ཉིད་ཀྱི་ཆུང་མ་གྱིས་ཤིག་ཅེས་བརྗོད་ན་ལྷའི་དངུལ་ཆུ་དང་བཅུད་ཀྱིས་ལེན་སྟེར་ཞིང་། དངོས་གྲུབ་ཀྱི་རྫས་དང་། གཏེར་དང་། རྒྱལ་སྲིད་རྣམས་སྟེར་བར་བྱེད་དོ།། ཞི་བའི་སྒྲུབ་པའི
80b4 ཐབས་ཀྱི་ཆོ་ག་རྒྱས་པ་དང་པོའོ།། ། དེ་ནས་གཞན་ཡང་ནན་ཏུར་གྱིས་སྒྲུབ་པའི་ཐབས་བཤད་པ། གྲོ་གའི་འདབ་མ་ལ་འབྱུང་མོ་དཔལ་ཆེན་མོ་བྲིས་ཏེ། མཚན་མོ་གཅེར་བུར་གྱུར
80b5 པས་དཔལ་རྡོ་རྗེ་འཆང་གི་མདུན་དུ་སྟོང་ཕྲག་བརྒྱད་བཟླས་ན་མྱུར་དུ་འོང་ངོ་།། འོངས་པ་ལ་ཆགས་པ་བྱས་ན་དགའ་བར་འགྱུར་རོ།། འཇིག་རྟེན་གསུམ་གྱི་རྒྱལ་སྲིད་ཀྱང་སྟེར་བར་བྱེད་དོ།། བརྒྱ
80b6 བྱིན་ཡང་སྟེར་རོ།། རྒྱབ་ཏུ་ཞོན་ན་མཐོ་རིས་སུའང་འཁྱེར་ཞིང་ལོ་ཁྲི་འཚོའོ།། གལ་ཏེ་མ་གྲུབ་ན་མིག་དང་སྤྱི་བོ་འགས་ཤིང་བསྐམས་ལ། སྐད་ཅིག་དེ་ཉིད་ལ་འཆིའོ་ཞེས་ཁྲོ་བོ་ཉིད་ཀྱིས
80b7 གསུངས་སོ།། གུར་ཀུམ་གྱིས་མིང་བྲིས་ཏེ་རྐང་པ་གཡོན་པས་མནན་ནས་རྡོ་རྗེ་གསོར་ཞིང་ཡི་གེ་ཧཱུཾ་ཧཱུཾ་ཕཊ་ཕཊ་ལན་བདུན་བརྗོད་ན་བརྗོད་པར་གྱུར་པས་ངེས་པར་སྐད་ཅིག་གིས་འཆི་བར་བྱེད་དོ།།
iiif viewer powered by OpenSeadragon
