| e-texts navigator |
| Wylie |
79a1 འབྲང་བར་འགྱུར་ཞིང་། རང་ཉིད་སོང་ནས་མི་ཟད་པའི་གཏེར་སྟེར་ཞིང་འདས་པ་དང་། མ་འོངས་པ་དང་། ད་ལྟར་བྱུང་བ་རྣམས་སྦ་བར་བྱེད་དོ།། གོས་དང་། རྒྱན་དང་།
79a2 བཟའ་བ་བཟང་པོ་རྣམས་སྟེར་བར་བྱེད་ཅིང་ལོ་ཉིས་སྟོང་འཚོ་བར་བྱེད་དོ།། དེ་ནས་ཕོ་ཉ་མཆོག་གི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཁང་པར་སོང་སྟེ་ནག་པོའི་ཚེས་བཅུ་བཞི་ལ།
79a3 ཁྲི་བཟླས་ནས་ཉི་མ་བདུན་པ་ལ་སྒྲུབ་པ་བརྩམ་པར་བྱ་སྟེ། ཙན་དན་གྱི་དཀྱིལ་འཁོར་སྒྲུབ་པར་བྱས་ནས་གུ་གུལ་གྱི་བདུག་པ་སྦྱིན་ཞིང་མེ་ཏོག་དཀར་པོ་དང་། འབྲས་ཆན་དཀར་པོ་དང
79a4 མར་དང་འོ་ཐུག་སྦྱིན་ཞིང་ཀུ་ཤའི་ཁྲི་ལ་འདུག་སྟེ། མར་གྱི་མར་མེ་རབ་ཏུ་སྦར་ནས་མཚན་མོ་ཇི་སྲིད་ན་མ་ཕྱེད་ཀྱི་བར་དུ་བཟླས་ན་མངག་གཞུག་མཆོག་རང་ཉིད་འོང་སྟེ། འོངས་པ་ལ
79a5 ཙ་ན་དན་གྱི་མཆོད་ཡོན་བྱིན་ན། ཀྱེ་སྒྲུབ་པ་པོས་བདག་གིས་ཅི་བྱ་ཞེས་སྨྲ་བར་བྱེད་དོ།། དེ་ནས་སྒྲུབ་པ་པོས་བདག་གི་མངག་གཞུག་གྱིས་ཤིག་ཅེས་བསྒོ་ན། དེ་ཕན་ཆད་མངག་གཞུག་པར
79a6 འགྱུར་ཞིང་ལྷས་མངོན་པར་འདོད་པའི་བཟའ་བ་སྟེར་རོ།། དངུལ་ཆུ་དང་བཅུད་ཀྱིས་ལེན་སྟེར་ཞིང་གཏེར་རྙེད་པར་བྱེད་ལ་རྒྱབ་ཏུ་ཞོན་ནུས་མཐོ་རིས་སུའང་འཁྱེར་བར་བྱེད་ཅིང་། གཞན་ཡང
79a7 རྒྱལ་སྲིད་སྟེར་བར་བྱེད་དོ།། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། མངག་གཞུག་སྒྲུབ་པའི་ཆོ་ག་རྒྱས་པའི་ལའུའོ།། ། དེ་ནས་འདིར་ཡང་དག་པར།
iiif viewer powered by OpenSeadragon
