| e-texts navigator |
| Wylie |
78b1 དེ་ནས་རིགས་ཀྱི་དབང་ཕྱུག་གི་སྒྲུབ་པའི་ཐབས་བཤད་པ། ལྷའི་ཁང་པར་སོང་སྟེ་སྤོས་དམར་པོ་དང་། མེ་ཏོག་དམར་པོ་དང་། གུ་གུལ་གྱི་འདུག་པ་སྦྱིན་ཞིང་ཁྲི་བཟླས་ན་སྔོན་དུ་བསྙེན།
78b2 པ་བྱས་པར་འགྱུར་རོ།། མཚོན་མོ་ནག་པོའི་ཚེས་བཅུ་བཞི་ལ་ཉ་དང་། ཤ་དང་། ཏིལ་དང་། འཛམ་བུ་ཏི་དང་། འབྲས་ཆན་དམར་པོས་ཇི་ལྟ་བར་སྒྲུབ་ཅིང་། དུ་རུ་ཀ་དང་མེ་ཏོག
78b3 སྦྱིན་ཏེ། ཇི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་སྣང་བ་ཆེན་པོ་དང་། འཇིགས་པར་བྱེད་པའི་གཟུགས་ཀྱིས་འོང་སྟེ། དེ་ལ་འཇིགས་པར་མ་བྱས་ན་སྡུག་པ་ཅི་བྱ་ཞེས་སྨྲ་བར་བྱེད་དོ།།
78b4 སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན། ཉི་མ་རེ་དུས་གསུམ་དུ་དོང་ཚེ་ལྔ་ལྔ་སྟེར་བར་བྱེད་དོ།། ལྷས་མངོན་པར་འདོད་པའི་བཟའ་བ་སྟེར་བར་བྱེད་ཅིང་ལོ་ལྔ་སྟོང་འཚོའོ།། དེ་ནས
78b5 འབྱུང་པོ་དབང་ཕྱུག་གི་སྒྲུབ་པའི་ཐབས་བཤད་པ། མཚན་མོ་ལིང་ག་གཅིག་པར་སོང་སྟེ། གཅིག་པུ་ནུབ་གསུམ་དུ་འབྲས་ཆན་དམར་པོ་དང་། ཉ་དང་། ཤས་གཏོར་མ་སྦྱིན་ཞི་བར་སྐྱེས་ཀྱི
78b6 ཤ་དང་། གུ་གུལ་དང་། སྦྲང་རྩི་དང་ལྡན་པའི་བདུག་པས་བདུག་ཅིང་སྟོང་ཕྲག་བརྒྱད་བཟླས་ན་ཉི་མ་དང་པོ་ལ་རྨི་ལམ་དུ་མཐོང་བར་བྱེད་དོ།། ཉི་མ་གཉིས་པ་ལ་རང་ཉིད་མཐོང་བར་བྱེད་དོ།།
78b7 ཉི་མ་གསུམ་པ་ལ་རིངས་པར་འོང་ཞིང་མདུན་དུ་འདུག་ནས་འདི་སྐད་སྨྲ་བར་བྱེད་དོ།། བཀའ་ཅི་སྩོལ། དེ་ནས་སྒྲུབ་པ་པོས་མངག་གཞུག་གྱིས་ཤིག་ཅེས་བརྗོད་པར་བྱའོ།། རྟག་ཏུ་ཕྱི་བཞིན
iiif viewer powered by OpenSeadragon
