| e-texts navigator |
| Wylie |
78a1 ནམ་བྱེད་ན་རིངས་པར་འོངས་ནས་མདུན་དུ་སྡོད་དོ།། ཀྱེ་སྡུག་པ་ངས་ཅི་བྱ་ཞེས་སྔ་བར་བྱེད་དོ།། སྒྲུབ་པ་པོས་མངག་གཟུག་གྱིས་ཤིག་ཅེས་བསྐོན་དེ་ཕན་ཆད་མངག
78a2 གཞུག་གི་ལས་ཐམས་ཅད་བྱེད་དོ།། གནོད་སྦྱིན་གྱི་བུ་མོ་བཟང་མོ་བླངས་ནས་སྟེར་ཞིང་གཏེར་ཐམས་ཅད་སྟེར་ལ་ལྷས་འདོད་པའི་བཟའ་བ་སྟེར་རོ།། ཉིན་གཅིག་བཞིན་དུ་རས་དམར་པོ་ཟུང
78a3 རེ་སྟེར་ཞིང་དོང་ཚེ་ལྔ་སྟེར་ལ་ལོ་ལྔ་བརྒྱ་འཚོའོ།། དེ་ནས་དུར་ཁྲོད་ཀྱིས་བདག་པོའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། མཚན་མོ་དུར་ཁྲོད་དུ་སོང་སྟེ་ཉི་མ་བདུན་དུ་སྟོང་ཕྲག
78a4 བརྒྱད་བཟླས་ན་ཉི་མ་བདུན་པ་ལ་འབྱུང་པོ་ལ་ཤ་དང་། ཉ་དང་། ཏིལ་དང་། འཛམ་པཱུ་ཏི་དང་མངར་གསུམ་ཟན་གྱིས་གྲིལ་བའི་རིལ་བུ་དང་ཀ་རྟག་ཁམ་ཚད་དུ་གཏུབས་པ་བསྲེགས།
78a5 ནས་མ་རལ་བརྔོས་ལ་འཛམ་བུ་ཏི་ཀ་དང་། འབྲས་ཆེན་དང་། ཞོ་དང་། བུ་རམ་དང་། འོ་ཟུག་དང་། སྲན་ཚོད་དང་། སྣུམ་འཁུར་རྣམས་ཀྱིས་ཇི་ལྟར་གསུངས་པ་བྱིན་ནས
78a6 གུ་གུལ་གྱི་བདུག་པའང་བྱིན་ཏེ། ཇི་སྲིད་ནམ་ཕྱེད་ཀྱི་བར་དུ་བཟླས་ན་ཧ་ཧ་ཞེས་བྱ་བའི་སྒྲ་ཐོས་པར་བྱེད་དོ།། འཇིགས་པར་མ་བྱས་ན་རང་གི་འཁོར་གྱི་ཚོགས་ཀྱིས་ཡོངས་སུ་བསྐོར
78a7 འོང་ངོ་།། འོངས་པ་ལ་གཏོར་མ་བྱིན་ན་དགའ་བར་འགྱུར་ཏེ་འབྱུང་པོའི་མངག་གཞུག་བྱེད་དོ།། ཉི་མ་རི་རེ་དོང་ཚེ་བརྒྱད་བརྒྱད་སྟེར་ཞིང་དགྲ་ཐམས་ཅད་འཇོམས་ཏེ་ལོ་ལྔ་སྟོང་འཚེར།
iiif viewer powered by OpenSeadragon
