| e-texts navigator |
| Wylie |
74b1 འཁྱེར་བར་བྱེད་ཅིང་བཟའ་བ་བཟང་པོ་སྟེར་བར་བྱེད་དོ།། དེ་ནས་སྒྲུབ་པའི་ཐབས་ཕྱི་མ་བཤད་པ། རོའི་དྲུང་ངམ་གཙུག་ལག་ཁང་དུ་ཁྲི་བཟླས་ན་བཟླས་པའི་མཐའ་ལ་རང་ཉིད་འོང་ཞིང་། ལྷ་མོའི་ལག
74b2 པ་འཇམ་པོས་རྐང་པ་ལ་ཉུག་པར་བྱེད་ཅིང་མྱུར་དུ་ཆགས་པ་བྱས་ན་ཆུང་མར་འགྱུར་ཞིང་། དོང་ཚེ་བརྒྱད་དང་གོས་ཟུང་གཅིག་སྟེར་བར་བྱེད་དོ།། ཆུ་བོའི་འགྲམ་དུ་སོང་ནས་ཁྲི་བཟླས་ནས་ཡང་མཚན
74b3 ཐོག་ཟག་བཟླས་ན་ཐོ་རངས་ངེས་པར་འོང་ངོ་།། འོངས་ནས་ཆུང་མར་འགྱུར་ཞིང་ཉི་མ་རེ་རེ་དོང་ཚེ་ལྔ་ལྔ་སྟེར་བར་བྱེད་དོ།། མཚན་མོ་ཆུ་བོ་འདུས་པའི་འགྲམ་དུ་སྟོང་ཕྲག་བརྒྱད་བཟླས་ན་བཟླས་པའི་མཐའ
74b4 ལ་ངེས་པར་འོང་ཞིང་ལྟ་བར་བྱེད་དོ།། ཉི་མ་གཉིས་པ་ལ་མདུན་དུ་འདུག་ཅིང་གཏམ་སྨྲ་བར་བྱེད་དོ།། ཉི་མ་གསུམ་པ་ལ་ཆགས་པ་སྤྱད་ན་ངེས་པར་འགྲུབ་ཅིང་ཆུང་མའི་ལས་ཐམས་ཅད་བྱེད་ལ་དོང་ཚེ་བརྒྱད
74b5 དང་རས་ཕྲུགས་གཅིག་སྟེར་བར་བྱེད་དོ།། ཉིན་གཅིག་བཞིན་དུ་རིའོ་རྩེ་མོར་ཤ་ཟ་ཞིང་ཁྲི་ཁྲི་བཟླས་ན་ལྷ་མོའི་གཟུགས་ཀྱིས་མྱུར་དུ་འོངས་ཤིང་མདུན་དུ་སྡོད་དོ།། འཁྱུད་ཅིང་འོ་བྱས་ཏེ་མི་སྨྲ་བས་ཆགས་པ་བྱས
74b6 ན་ཆུང་མར་འགྱུར་ཏེ། དོང་ཚེ་བརྒྱད་སྟོང་སྟེར་ཞིང་ལྷས་མངོན་པར་འདོད་པའི་བཟའ་བ་སྟེར་བར་བྱེད་དོ།། འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས། མི་འམ་ཅིའི་བུ་མོ་སྒྲུབ་པའི་ཐབས་ཀྱི་ཆོ་ག
74b7 རྒྱས་པའི་ལེའུའོ།། ། དེ་ནས་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ།། དབང་ཕྱུག་ཆེན་པོ་ལྷ་ཆེན་པོ་ཁྱོད་ཉོན་ཅིག། འཇིག་རྟེན་གསུམ་གྱི
iiif viewer powered by OpenSeadragon
