| e-texts navigator |
| Wylie |
50b1 ལག་བཀུག་ནས་མཐེའུ་ཆུང་བརྐྱང་བ་ནི་མི་སྡུག་གདོང་མའི་ཕྱག་རྒྱའོ།། ལག་པ་གཡས་པ་ཁུ་ཚུར་བཅངས་ནས་མཛུབ་མོ་བརྐྱང་བ་ནི་སྤྱོད་ངན་མའི་ཕྱག་རྒྱའོ།། ཕྱག་རྒྱ་འདི་ཉིད་ལས་མཛུབ་མོ་བཀུག
50b2 ཅིང་གུང་མོ་བརྐྱང་བ་ནི་གློག་ལྟར་འཇིགས་མའི་ཕྱག་རྒྱའོ།། ཕྱག་རྒྱ་འདི་ཉིད་ལས་མཐེའུ་ཆུང་རབ་ཏུ་བརྐྱང་བ་ནི་བཞིན་མཛེས་མའི་ཕྱག་རྒྱའོ།། དུར་ཁྲོད་དུ་འཇུག་མའི་འབྱུང་མོ་ཆེན་མོ་བརྒྱད་ཀྱི་ཕྱག་རྒྱའི།
50b3 མཚན་ཉིད་ཀྱི་ཆོ་ག་རྒྱས་པའི་ལེའུའོ།། ། དེ་ནས་འདིར་ནི་བཤད་བྱ་བ།། འབྱུང་པོ་འདུལ་བའི་རྒྱུད་ཆེན་རྒྱལ།། དུར་ཁྲོད་འཇུག་པའི་འབྱུང་ཆེན་མོ།། བརྒྱད་པོ་སྒྲུབ་པའི།
50b4 ཆོ་ག་སྟེ།། དབུལ་པོ་རྣམས་ལ་ཕན་དོན་དུ།། བྲན་མོའི་སྒྲུབ་ཐབས་དམ་པའོ།། དུར་ཁྲོད་དུ་སོང་ནས་སྟོང་ཕྲག་བརྒྱད་བཟླས་ན་སྔོན་དུ་བསྙེན་པ་བྱས་པར་འགྱུར་རོ།། དེ་ནས་སྒྲུབ་པ་བརྩམ་པར
50b5 བྱ་སྟེ། མཚན་མོ་དུར་ཁྲོད་དུ་སོང་ནས་སེང་ལྡེང་གི་ཡམ་ཤིང་ཞོ་དང་། སྦྲང་རྩི་དང་། མར་གྱིས་བྱུགས་པས་སྦྱིན་སྲེག་བརྒྱ་བྱས་ན། དེ་ནས་འབྱུང་མོ་དུར་ཁྲོད་དུ་འཇུག་མ་མྱུར་དུ་འོང་སྟེ། ངས་ཅི
50b6 བྱ་ཞེས་མངག་གཞུག་བྱེད་པར་འགྱུར་རོ།། ཞིང་བསྐྱེད་པའི་ཞིང་གི་ལས་བྱེད་ཅིང་ཉི་མ་རེ་རེ་དོང་ཚེ་རེ་རེ་སྟེར་རོ།། མཚན་མོ་ཞིང་གི་གསེབ་ཏུ་སོང་སྟེ་ཉ་དང་ཤས་ཇི་ལྟར་གསུངས་པའི་གཏོར་མ་སྦྱིན་ཞིང
50b7 ལན་ཉི་ཤུ་རྩ་གཅིག་ཡོངས་སུ་བཟླས་ན་ལས་ཀྱི་ཤ་ཟ་མོ་ཇི་ལྟར་བསྟན་པའི་ལས་ཐམས་ཅད་བྱེད་དོ།། མཚན་མོ་དུར་ཁྲོད་དུ་སོང་སྟེ་སྟོང་ཕྲག་བརྒྱད་བཟླས་ན་ཤ་ཟ་མོ་ཉན་རྣ་མ་མྱུར་དུ་བཟང་མོའི
iiif viewer powered by OpenSeadragon
