| e-texts navigator |
| Wylie |
48b1 ཕྲག་བཅུ་བཟླས་ན་འགྲུབ་པར་འགྱུར་རོ།། མཚན་མོའང་སྟོང་བཟླས་ན་ངེས་པར་འོང་ངོ་།། འོངས་པ་ལ་མེ་ཏོག་གི་ཆུའི་ཆ་བབྱིན་ནས་བསྒོ་ན་སྲིང་མོར་འགྱུར་རོ།། དངུལ་ཆུ་དང་། བཅུད་ཀྱིས་ལེན་དང
48b2 རྫས་ཀྱི་དངོས་གྲུབ་སྟེར་ཞིང་དཔག་ཆད་སྟོང་དུ་སོང་ནས་བུད་མེད་བཟང་མོ་བླངས་ནས་སྟེར་བར་བྱེད་ཅིང་མཚན་མོ་སླར་ཁྱེར་རོ།། ལྷ་ལང་སྟོང་པར་སོང་ནས་ཇི་ལྟར་གསུངས་པའི་གཏོར་མ་དང་མཆོད་པ་བྱས་ཏེ། སྟོང
48b3 ཕྲག་བརྒྱད་དུ་བཟླས་ན་འགྲུབ་པར་འགྱུར་རོ།། མཚན་མོའང་གཏོར་མ་བྱིན་ནས་སྟོང་ཕྲག་བརྒྱད་བཟླས་ན་ངེས་པར་འོང་ངོ་།། འོངས་པ་ལ་འདོད་པ་བྱས་ན་ཆུང་མར་འགྱུར་ཏེ། ཞི་མ་རེ་རེ་དོང་ཚེ་སྡོང་སྟོང་སྟེར
48b4 ཞིང་རྒྱབ་ཏུ་ཞོན་ན་རི་རབ་ལའང་འཁྱེར་བར་བྱེད་དོ།། གཞན་ཡང་རྒྱལ་སྲིད་སྦྱིན་པར་བྱེད་ཅིང་རྒྱལ་པོའི་བུ་མོ་བཀུག་ནས་སྟེར་ཏེ། ལོ་སྟོང་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ།།
48b5 ཆུ་བོ་འདུས་པའི་འགྲམ་དུ་སོང་སྟེ་ཤའི་བཟའ་བ་དང་། ཀ་ར་ཝཱ་རིའི་མེ་ཏོག་སྦྱིན་ཞིང་གུ་གུལ་གྱི་དུད་པས་བདུགས་ལ་སྟོང་ཕྲག་བརྒྱད་ད་བཟླས་ན་འགྲུབ་པར་འགྱུར་རོ།། མཚན་མོ་འང་མཆོད་པ
48b6 རྒྱས་པར་བྱས་ཏེ་མེ་རབ་ཏུ་སྦར་ནས་སྟོང་ཕྲག་བརྒྱད་བཟླས་ན་འཁོར་ལྔ་བརྒྱས་ཡོངས་སུ་བསྐོར་ནས་རྐང་གདུབ་ཀྱི་སྒྲ་ཆེན་པོས་འོང་ངོ་།། འོངས་པ་ལ་མི་སྨྲ་བར་གྱུར་པས་འདོད་པར་བྱ
48b7 སྟེ་ཆུང་མར་འགྱུར་རོ།། གལ་ཏེ་སྤོང་བར་བྱེད་ན་འཆི་བ་ར་འགྱུར་རོ།། རྒྱབ་ཏུ་ཞོན་ན་ཉི་མ་རེ་རེ་མཐོ་རིས་སུའང་འཁྱེར་བར་བྱེད་དོ།། གཞན་ཡང་རྒྱལ་སྲིད་སྟེར་ཞིང་སྟོང་ཕྲག་ལྔ་འཚོལ
iiif viewer powered by OpenSeadragon
