| e-texts navigator |
| Wylie |
46a1 ཁྱེད་རྣམས་གཞན་ལས་རྒྱལ་བར་བྱ་བའི་ཕྱིར་ལྷ་ཐམས་ཅད་དབང་དུ་བསྡུ་ཞིང་འབྱུང་པོ་ཐམས་ཅད་ཚ་ར་ག་ཅད་པར་བྱའོ།། དེ་ནས་རིག་སྔགས་འཆད
46a2 གི་དབང་པོ་དང་ལྷའི་དུད་མེད་ཐམས་ཅད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བསྐྱབ་ཏུ་གསོལ། དཔལ་རྡོ་རྗེ་འཆང་རྒྱལ་པོ་ཆེན་པོས་བསྐྱབ་ཏུ་གསོལ།
46a3 དེ་ནས་ཁྲོ་བོ་ཆེན་པོ་རྡོ་རྗེ་འཆང་གིས་འདི་སྐད་ཅེས་གསུངས་སོ།། ཀྱེ་བུད་མེད་རྣམས་གོ་བར་གྱིས་ཤིག། དཔལ་རྡོ་རྗེ་འཆང་རྒྱལ་པོ་ཆེན་པོ་ལ་སོགས་པའི་བསྙེན་བཀུར་བྱོས་ཤིག།
46a4 དབྱིག་དང་། གསེར་དང་། མུ་ཏིག་དང་། རིན་པོ་ཆེ་དང་། བཻ་ཌཱུཪྻ་དང་། པདྨ་ར་ག་དང་། རྫས་ཐམས་ཅད་ཕུལ་ཅིག། དེ་ནས་ལྷའི་བུད་མེད་ལ་སོགས་པ་ལྷའི་བུ་མ
46a5 དང་གནོད་སྦྱིན་མོ་ཐམས་ཅད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འགུམ་མོ་འགུམ་མོ།། དཔལ་རྡོ་རྗེ་ཁྲོ་བོ་ཟློས་པ་རྣམས་ཀྱི་དྲན་མོ་བགྱིད་དོ།། གལ་ཏེ་ཁྲོ་བོ་ཟློས་པའི།
46a6 བསྙེན་བཀུར་མ་བགྱིས་ན་རིགས་དང་བརྒྱུད་དུ་བཅས་པ་རླག་པར་གྱུར་ཅིག། དམ་པའི་ཆོས་སྤངས་པར་གྱུར་ཅིག། དེ་བཞིན་གཤེགས་པ་ཐམས་ཅད་ལ་སྨད་པར་གྱུར་ཅིག་བཅོམ
46a7 ལྡན་འདས་ཀྱི་ཁྲོ་བོ་ཆེན་པོའི་རྡོ་རྗེས་སྤྱི་བོ་ཁོས་ཤིག། ལན་བརྒྱད་རྣམ་པར་གཤེགས་ཤིང་ཤི་ནས་མྱུར་བ་ཉིད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག། དེ་ནས་བྱང་ཆུབ་སེམས།
iiif viewer powered by OpenSeadragon
