| e-texts navigator |
| Wylie |
45b1 དམྱལ་བ་ཆེན་པོ་བརྒྱད་དུ་ལྟུང་བར་བྱའོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་སྐད་དུ་ལེགས་སོ་ལེགས་སོ།། ལག་ན་རྡོ་རྗེ་ལེགས་པར་བཤད་དོ།། མི་རྣམས་ལ་ཕན་པའི
45b2 ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་དང་། སྟོབས་དང་། ཕ་རོལ་གནོན་པ། མི་ཕྱེད་པར་གྲགས་པ། ལྷ་ཐམས་ཅད་ཀྱིས་ཕྱག་བྱས་པ་ཁམས་གསུམ
45b3 པའི་ཆོས་ཀྱི་རྒྱལ་པོ་ཆེན་པོ། གླིང་བཞི་པའི་འཇིག་རྟེན་གྱི་ཁམས་ཐམས་ཅད་གྲུབ་པར་བྱེད་པ། ཆོས་ཀྱི་འཁོར་ལོ་ཐམས་ཅད་སྐོར་བར་བྱེད་པ། སྡུག་བསྔལ་ཐམས་ཅད་འཇོམས
45b4 པར་བྱེད་པའི་སྒྲུབ་པའི་ཐབས་རྒྱ་ཆེན་པོ་ཆོ་ག་སྣ་ཚོགས་པ། ཕྱག་རྒྱ་དང་སྔགས་ཀྱི་ཚིག་གིས་སྒྲུབ་པའི་ཐབས་ཁྲོ་བོའི་རྒྱལ་པོ་ཆེན་པོ་བཅོམ་ལྡན་འདས་ཁྲོ་བོའི་རྒྱལ་པོ་བདག་པོས
45b5 ཤོད་ཅིག་ཅེས་གསུངས་སོ།། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་རོ་མཚོ་བར་བྱེད་པའི་སྔགས་གསུངས་པ། ཨོཾ་ཀརྡྷ་ཀརྡྷ་མི་ཏྲ་ས་ཛཱི་པ་ཡ་ཏི་དྷཱ་ཡེ། དེ་ནས་འདི་གསུང
45b6 པ་ཙམ་གྱིས་ལྷ་ཐམས་ཅད་མྱོས་ཏེ་བརྒྱལ་ཞིང་འགྱེལ་ནས་ཆེར་འཇིགས་ཤིང་རབ་ཏུ་འདར་བར་གྱུར་ཏེ་གནས་སོ།། དེ་ནས་ལྷ་ཆེན་པོས་གསོལ་པ། བྱང་ཆུབ་སེམས་དཔའ
45b7 ཆེན་པོ་སྐྱོབས་ཤིག་སྐྱོབས་ཤིག། དེ་ནས་རྡོ་རྗེ་འཆང་ཁྲོ་བོའི་བདག་པོ་ཆེན་པོས་འདི་སྐད་ཅེས་གསུངས་སོ།། མ་འཇིགས་ཤིག་མ་འཇིགས་ཤིག། ཀྱེ་འབྱུང་པོའི་བདག་པོ།།
iiif viewer powered by OpenSeadragon
