| e-texts navigator |
| Wylie |
45a1 འབྱུང་པོའི་བདག་པོ་གླིང་བཞི་པ་ཐམས་ཅད་ཀྱི་མི་རྣམས་ལ་དངོས་གྲུབ་རྫོགས་པར་བྱིན་ཅིག། འཛམ་བུ་གླིང་པའི་མི་རྣམས་ལ་དངུལ་ཆུ་དང་བཅུད་ཀྱིས་ལེན་པའི་རྫས་རྣམས
45a2 སྒྲུབ་ཅིང་བདེ་བར་བྱིན་ཅིག། དབྱིག་དང་། གསེར་དང་། དངུལ་དང་། མུ་ཏིག་དང་། བཻ་ཌཱུཪྻ་དང་། པདྨ་རཱ་ག་དང་། མེ་དང་ཆུའི་ཤེལ་དང་། སྤོས་དང་། ལྷའི་ན་བཟའ་རྣམ
45a3 བྱིན་ཅིག། འདི་ཟློས་པའི་འབྲས་བུ་འགྲུབ་པར་གྱིས་ཤིག། བསྙེན་བཀུར་གྱིས་ཤིག། དེ་བཞིན་གཤེགས་པ་ཐམས་ཅད་ཟློས་པའི་རིན་པོ་ཆེའི་ཅོད་པན་དང་། གོས་དང་། དྲི་དང་། བདུག
45a4 པ་དང་། མེ་ཏོག་ལ་སོགས་པ་དང་། ཡོ་བྱད་དང་། རྫས་ཐམས་ཅད་བགེགས་མེད་པར་བྱིན་ཅིག། རྒྱལ་པོའི་འཇིགས་པ་དང་། དགྲའི་འཇིགས་པ་དང་། སེང་གེའི་འཇིགས་པ་དང་།
45a5 སྟག་གི་འཇིགས་པ་ཐམས་ཅད་ཟློག་ཅིག། ཀྱེ་ཀྱེ་གཞན་གྱིས་མི་ཐུབ་པ་འབྱུང་པོའི་དབང་ཕྱུག་ཆེན་པོ་མྱུར་དུ་མྱུར་དུ་ཉོན་ཅིག་ཉོན་ཅིག། ལེ་ལོ་ཅན་དང་། ཚུལ་ཁྲིམས་འཆལ་པ་དང་། སྡིག
45a6 པ་བྱེད་པ་དང་། བརྫུན་སྨྲ་བ་རྣམས་ལ་ངེས་པར་དངོས་གྲུབ་བྱིན་ཅིག། གལ་ཏེ་རིག་སྔགས་འཆང་ལ་དངོས་གྲུབ་མི་བྱིན་ན་ཀླུ་མོ་དང་། གནོད་སྦྱིན་མོ་དང་། ས་ལ་འཇོམས་མ་དང་། ལྷམ
45a7 ཡོན་མོ་དང་། མི་འམ་ཙོ་མོ་དང་། ནམ་མཁའ་ལྡིང་མོ་དང་། ལྟོ་འཕྱེ་ཆེན་མོ་དང་། ཤ་ཟ་མོ་དང་། འབྱུང་མོ་དང་། དྲི་ཟ་མོ་རྣམས་ཀྱི་སྤྱི་བོ་མོ་ཕྱེད་པའི་རྡོ་རྗེས་འགས་པར་བྱ་ཞིང་།
iiif viewer powered by OpenSeadragon
