| e-texts navigator |
| Wylie |
453a1 གཤེགས་པ་ཐམས་ཅད་ཀྱི་ཡེ་ཤེས་རབ་ཏུ་ཐོབ་པར་འདོད་པ། སྒྲིབ་པ་མེད་པའི་ཏིང་ངེ་འཛིན་དང་། གཟུངས་དང་། རྣམ་པར་ཐར་པའི་སྒོ་རྣམས་ཀྱིས་རྣམ་པར་རྩེ་བར
453a2 འདོད་པ། ནམ་མཁའ་མཛོད་ཉིད་དང་ལག་ན་རིན་ཆེན་ཉིད་ཐོབ་པར་འདོད་པས་འདི་ལྟར་བསྔོ་བར་བྱ་སྟེ། སངས་རྒྱས་བཅོམ་ལྡན་འདས་རྣམས་དང་། ས་བཅུ་ལ་རབ་ཏུ་གནས་པའི་བྱང་ཆུབ
453a3 སེམས་དཔའ་རྣམས་དང་། རྡོ་རྗེ་འཆང་རྣམས་བདག་ལ་དགོངས་སུ་གསོལ། བདག་བྱང་ཆུབ་ཏུ་སེམས་བསྐྱེད་པ། ལམ་ལ་རབ་ཏུ་གནས་པ་མིང་འདི་ཞེས་བགྱི་བ། དེ་བཞིན་གཤེགས་པ
453a4 ཐམས་ཅད་དང་བྱང་ཆུབ་སེམས་དཔའ་ཐམས་ཅད་ལ་དུས་ཐམས་ཅད་དུ་ཡོང་ཡེ་འབུལ་ཞིང་མཆིས་ན། དེ་བཞིན་གཤེགས་པ་མངའ་ཆེན་པོ་ཅན་རྣམས་དང་། བྱང་ཆུབ་སེམས་དཔའ་སེམས
453a5 དཔའ་ཆེན་པོ་ས་ཆེན་པོ་བརྙེས་པ་རྣམས་ཀྱིས་བཞེས་ཤིང་བདག་ལ་རྟག་ཏུ་བསོད་ནམས་ཀྱི་སྟོབས་ཆེན་པོ་དང་། ཡེ་ཤེས་ཀྱིས་ཉེ་བར་བརྟན་པ་དང་། བརྩོན་འགྲུས་དང་། བརྩོན་པའི་བདག་ཉིད་དང་།
453a6 ཞི་བ་དང་། དུལ་བ་དང་། ཉེ་བར་ཞི་བའི་གནས་དང་། མངོན་པར་ཤེས་པ་དང་། ཕ་རོལ་ཏུ་ཕྱིན་པ་རྣམས་ཡོངས་སུ་རྫོགས་པར་མཛད་དུ་གསོལ། དེའི་འོག་ཏུ་ཡང་འདི་སྐད་ཅེས་བརྗོད་པར་བྱ་སྟེ། ཐུགས
453a7 རྗེ་ཆེན་པོ་དང་ལྡན་པ་དག་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་འཁོར་བར་ལྷུང་བ། འཆིང་བས་བཅིངས་པ། བཙོན་རར་ཆུད་པ། ཆོས་ཀྱི་ལམ་སྟོར་བ། ཉོན་མོངས་པའི་དགྲ་བདོ།
iiif viewer powered by OpenSeadragon
