| e-texts navigator |
| Wylie |
451a1 ཏདྱ་ཐཱ། ཤི་ཁེ། ཤི་ཁེ། ཤི་ཁེ། བྷ་ད་དེ་སྭཱཧཱ། དེའི་འོག་ཏུ་བདག་ཚོགས་ཤིན་ཏུ་བསགས། བརྣག་པ་ཡོངས་སུ་རྫོགས། བསམ་པ་ཡོངས་སུ་རྫོགས། སངས
451a2 རྒྱས་ཀྱི་བྱ་བ་ཡོངས་སུ་རྫོགས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིག། མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་རབ་ཏུ
451a3 བསྐོར་བར་བགྱི་བ། དེ་བཞིན་ཉིད་ཀྱི་འཁོར་ལོ་དང་། ཡང་དག་པའི་མཐའི་འཁོར་ལོ་དང་། ཇི་ལྟ་བ་བཞིན་གྱི་འཁོར་ལོ་དང་། སྐྱེ་བ་མེད་པ་དང་འགག་པ་མེད་པའི་འཁོར་ལོ་དང་། སྟོང་པ་ཉིད
451a4 དང་། མཚན་མ་མེད་པ་དང་། སྨོན་པ་མེད་པའི་འཁོར་ལོ་དང་། ངེས་པར་འབྱུང་བའི་འཁོར་ལོ་དང་། ཕུང་པོ་དང་། ཁམས་དང་། སྐྱེ་མཆེད་མི་དམིགས་པའི་འཁོར་ལོ་དང་། ནམ་མཁའ་ལྟ
451a5 བུའི་འཁོར་ལོ་དང་། ཆོས་ཀྱི་དབྱིངས་དབྱེར་མེད་པའི་འཁོར་ལོ་དང་། བག་ཆགས་དང་མཚམས་སྦྱོར་བའི་ཉོན་མོངས་པ་ཐམས་ཅད་སྤང་བའི་འཁོར་ལོ་དང་། བདག་དང་། རྟག་པ་དང་། ཆད་པ
451a6 དང་། བདག་དང་བདག་གིར་འཛིན་པ་ནས། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་སུ་མངོན་པར་ཞེན་པའི་བར་མི་དམིགས།
451a7 པའི་འཁོར་ལོ་དང་། མདོར་ན་གང་ན་འཁོར་ལོ་མེད་པ། བསྐོར་བ་མེད་པ་དེ་ལྟ་བུའི་ཆོས་ཀྱི་འཁོར་ལོ་རབ་ཏུ་སྐོར་བར་གྱུར་ཅིག། རབ་ཏུ་བསྐོར་ནས་སེམས་ཅན་རྣམས་ཡོངས་སུ་སྨིན་པར་བགྱིད
iiif viewer powered by OpenSeadragon
