| e-texts navigator |
| Wylie |
43b1 ནམ་གྲུ་འཛོམ་པ་ན་བུ་ཀའི་སྒོ་ཐམས་ཅད་གྲོལ་བར་འགྱུར་རོ།། དབྱར་ཟླ་འབྲིང་པོའི་ནག་པོའི་བཅུ་བཞི་ལ་ཕུར་བུའི་ཉི་མ་དང་། སྐར་མ་རྒྱལ་ལམ་ནམ་གྲུ་འཇོམ་པ་ལ་བུ་ག་ཐམས་ཅད་ངེས་པར་གྲོལ་བར།
43b2 འགྱུར་རོ།། གྲོང་གི་མི་འཁོར་དང་བཅས་པ་ཐམས་ཅད་འཇུག་པར་བྱའོ།། སྟོན་ཟླ་ར་བའི་ནག་པོའི་བཅུ་བཞི་ལ་ཕུར་བུའི་ཉི་མ་དང་། སྐར་མ་ཕལ་གྲཝ་ནི་འཇོམ་པ་ན་ངེས་པར་བུ་གའི་སྒོ་གྲོལ་བར་འགྱུར
43b3 རོ་ལྷ་མ་ཡིན་གྱི་དབང་པོ་གཞན་ལེན་གྱིས་རྗེ་བཙུན་འཕགས་པ་ཕྱག་ན་རྡོ་རྗེ་རབ་ཏུ་དགྱེས་པའི་དོན་དུ་ས་འོག་གི་གསང་བ་ཆེན་པོ་སྨྲས་པའོ།། སྔགས་དང་སྦྱིན་སྲེག་རྣམ་པར་སྤང་ངོ་།། ས་འོག་གི་གསང་བ
43b4 ཆེན་པོ་ཡོངས་སུ་རྫོགས་སོ།། ། འཕགས་པ་ཕྱག་ན་རྡོ་རྗེའི་རྒྱུད་ཀྱི་རྒྱལ་པོ་ཆེན་པོ་རྡོ་རྗེ་ས་འོག་ཅེས་བྱ་བ་ཇི་སྙེད་པ་ཡོངས་སུ་རྫོགས་སོ།། ། རྒྱ་གར་གྱི
43b5 པཎྜི་ཏ་བརྡ་སྤྲོད་པ་ཆེན་པོ་བདེ་བར་གཤེགས་པའི་དཔལ་ཞེས་བྱ་བ་དང་། སྒྲ་བསྒྱུར་གྱི་མཁས་པ་སྒྲའི་གཙུག་ལག་ལ་མ་རྨོངས་པ་གསང་སྔགས་འཛིན་པ་ཀུན་དགའ་རྒྱལ་མཚན་དཔལ་བཟང་པོས་དཔལས
43b6 སྐྱའི་དབེན་ག་ནས་དམ་པར་བསྒྱུར། ལྷ་མིན་དབང་པོའི་སྒོ་གླེགས་འཇོམས་བྱེད་པ། གསུང་རབ་དམ་པ་དཔལ་ལྡན་ཀུན་དགའ་ཡི།། རྒྱལ་མཚན་གྱིས་བསྒྱུར་འདི་ལ་སྒྲ་ཉམས་པ་གང་ལགས་དེ་ལ
43b7 མཁས་རྣམས་བཟོད་པར་མཛོད།། ས་འོག་འཁྲུལ་འཁོར་བདེ་ལེགས་རིན་ཆེན་གཏེར།། གསང་བ་དག་རྡོ་རྗེ་འཛིན་པ་དམ་པའི་བཀའ།། གངས་ཅན་འགྲོ་ལ་ཕན་པའི་བློ་གྲོས་ཀྱིས།། བསྒྱུར་བའི
iiif viewer powered by OpenSeadragon
