| e-texts navigator |
| Wylie |
42b1 རྣམ་པ་སྣ་ཚོགས་པའི།། ལྷ་ཡི་གནས་སུ་རྣམ་པར་བསྟན།། ཤར་ནས་ཤར་དུ་མངོན་ཕྱོགས་པའི།། འཁྲུལ་འཁོར་དུ་ནི་རྣམ་པར་བཤད།། ལྷོ་རུ་མངོན་པར་ཕྱོགས་གནས་པ།། ལྷོ་ཡི་ཕྱོགས
42b2 ཀྱིས་རྣམ་པར་བསྟན།། ནུབ་ཀྱི་ཕྱོགས་སུ་མངོན་ཕྱོགས་པ།། ནུབ་ཀྱི་ཕྱོགས་པར་རྣམ་པར་བསྟན།། འདི་ཡིས་བྱང་དུ་བཤད་པ་དང་།། དབང་ལྡན་གྱི་ཡང་དེ་བཞིན་ནོ།། ཕྱོགས་རྣམས་ཀྱི་ཡང་མཚན
42b3 ཉིད་ནི།། བསྟན་པ་འདི་ལ་ཐེ་ཙོམ་མེད།། འདི་ལྟར་ཤེས་པའི་མཁས་པ་ཡིས།། ཕྱོགས་ཀྱི་འཁྲུལ་འཁོར་མཚོན་པར་བྱ།། སྔོན་བཞིན་ལེགས་པར་ཤེས་པ་ཡིས།། རྫས་རྣམས་ཀྱང་ནི
42b4 བློ་ལྡན་གྱིས།། དེ་འདྲའི་ཕྱོགས་སུ་འཁོད་ནས་ནི།། དེ་ཡིས་ལ་མ་ནི་བལྟ་བར་བྱ།། གཉིས་པ་ཡི་ནི་ལམ་གྱུར་པ།། འཁྲུལ་འཁོར་མེད་པས་བརྟག་མི་དགོས།། གསུམ་པ་ཡང་ནི་ཤེས་བྱ་སྟེ།།
42b5 བཞི་པ་ཡང་ནི་མཚུངས་པའོ།། ལམ་ནི་རྣམ་པ་བཞིར་བཤད་པས།། འདོད་ལྡན་ལ་ནི་འབྲས་བུ་སྟེར།། དང་པོ་རུ་ནི་མི་དཔྱད་པར།། བཟའ་བར་བྱ་བ་མ་ཡིན་ནོ།། གཉིས་པ་རུ་ནི་བཟའ་བར་བྱ།
42b6 གསུམ་པ་ལ་ཡང་དེ་བཞིན་ནོ།། བཞི་པ་ཡང་ནི་བཟའ་བར་བྱ།། དེ་དག་འཁྲུལ་འཁོར་མེད་པར་བསྟན།། ཕྱོགས་ཀྱི་ཆ་ནི་ཐམས་ཅད་དུ།། ཡོངས་སུ་གང་བར་ཤེས་པར་བྱ།། ཕྱི་མ་ཡི་ནི་ཆོ་ག
42b7 ཡིས་ཚོང་དུས་ཟེ་འབྲུ་རྒྱུ་བའོ།། འཕགས་པ་རྡོ་རྗེ་ས་འོག་གི་རྒྱུད་ལས་ཕྱོགས་ཀྱི་མཚན་ཉིད་ཀྱི་ལེའུ་སྟེ་ཉི་ཤུ་བཞི་པའོ།། །། འཕགས་པ་རྡོ་རྗེ་ས་འོག་ཅེས་བྱ་བའི་རྒྱུད
iiif viewer powered by OpenSeadragon
