| e-texts navigator |
| Wylie |
42a1 ནི་ཨ་ཤྭཏྠ། ནུབ་ཏུ་དེ་བཞིན་པ་ལཀྵ།། བྱང་དུ་ལྗོན་ཤིང་མ་ཇུག། གནས་རྣམས་སུ་ནི་གདོན་མི་ཟ།། གང་དག་ཏུ་ནི་ཤིང་མེ་ན།། དེ་ལ་ལང་ནི་མཚན་བཟང་པོ།
42a2 ཤར་ན་གཞན་པའི་ལུས་གཅིག་སྟེ།། ལྷོ་རུ་ཡང་ནི་བཞི་རུ་འགྱུར།། ནུབ་ཏུ་གསུམ་དུ་བསྟན་པ་སྟེ།། བྱང་དུ་གཉིས་སུ་བསྒྲགས་པའོ།། མཛེས་པའི་བུ་མོ་རྟག་ཏུ་གནས།། གྲུབ་པའི་རྫས་དང་།
42a3 དངུལ་ཆུ་ནི།། ལྷ་ཡི་བྱང་ན་རྟག་ཏུ་ཡང་།། དངུལ་ཆུ་རུ་ནི་ཤེས་པར་བྱ།། དབང་ལྡན་དུ་ཡང་དངུལ་ཆུ་སྟེ།། དབང་པོར་རྫས་ནི་དེ་བཞིན་ནོ།། ཆུ་ལྷར་རྟག་ཏུ་རྫས་བཟང་པོ།། གྲུབ་པའི
42a4 རྫས་ནི་བླ་ན་མེད།། བདེན་བྲལ་དུ་ནི་རལ་གྲིར་འགྱུར།། གཤིན་རྗེར་དེ་བཞིན་མིག་སྨན་ཉིད།། རླུང་གི་ཕྱོགས་སུ་རྟག་གནས་པ།། ཡིད་བཞིན་ནོར་བུ་ཞེས་བྱ་བའོ།། ལྷ་ཉིད་ཀྱི་ནི་མདུན་དུ
42a5 ཡང་འབབ་སྟེགས་ཅན་གྱི་རྫིང་བུར་བསྟན།། ཁང་བཟང་གི་ནི་ནང་ན་ཡང་།། གྲུབ་པའི་རྫས་ལ་ཐེ་ཙོམ་མེད།། ལྷོ་ཡི་སྒོ་རུ་གང་གྱུར་པ།། ལྷོ་ཡི་ཕྱོགས་སུ་མངོན་ཕྱོགས་པ།། དེ་ན་རྫས་རྣམས
42a6 ཐམས་ཅད་དེ།། ལྷ་ཡི་ཁང་པར་རྣམ་པར་བསྟན།། དབང་པོའི་ཕྱོགས་སུ་མངོན་ཕྱོགས་པ།། དེ་ནས་རྫས་རྣམས་ཀུན་བསྡུས་པའོ།། བྱང་དུ་ཕྱོགས་ཏེ་ལེགས་གནས་པ།། བྲིས་སྐུ་བཀབ་པའི།།
42a7 རྫས་སུ་བཤད།། ནུབ་ཏུ་ཕྱོགས་ཏེ་ལེགས་གནས་པ།། དེ་ན་ཡང་ནི་བསྒྲིབས་ནས་གནས།། རིག་སྔགས་བཀླགས་པས་འགྲུབ་འགྱུར་ཏེ།། འཇིག་རྟེན་གསུམ་ཤེས་བླ་ན་མེད།། རིན་ཆེན
iiif viewer powered by OpenSeadragon
