| e-texts navigator |
| Wylie |
39a1 སྐོར་དུ་བསྐོར་བ་ལ་བཞག་སྟེ་གསུམ་གྱིས་དགབ་བོ།། ཨ་ཤྭ་ཏཱའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན་གྱི་གྲིབ་མས་མ་ཕོག་པ་དང
39a2 ལྷའི་ཁང་པས་མ་ཕོག་པ་དང་། དུར་ཁྲོད་དུ་སྐྱེས་པ་རྣམས་ཀྱི་ཨ་ཤྭཏྠའི་ལོ་མ་ཡོངས་སུ་གཟུང་བར་མི་བྱའོ།། དེ་དག་ལས་གཞན་གནས་བསྔགས་པའི་ཨ་ཤྭཏྠའི་ཤིང་གི་ལོ་མ་རྩེ་མོ་དཀར་པོ་རྣམས་ཀྱི
39a3 སྟེང་དུ་གྲུབ་པའི་རྫས་ཆ་གསུམ་དུ་བྱས་ཏེ། བླ་མ་དང་བདག་ཉིད་དང་ལྷན་ཅིག་པ་རྣམས་ཀྱིའོ།། རྡོ་རྗེ་དང་། འཁོར་ལོ་དང་། རལ་གྲི་རྣམས་སུ་བློས་བརྟགས་ནས་དེ་དག་ཐུན་ཚོད་ལྔར་ཡོངས་སུ
39a4 བསྐམས་ཏེ། དེ་ནས་བ་ལང་གི་ལྕི་བའི་ཚོགས་ཀྱི་དབུས་སུ་བཅུ་ག་ལ་ཞག་ཉི་ཤུ་རྩ་གཅིག་ཏུ་གཞག་གོ། དེ་ནས་བཏོན་ཏེ་བའི་རྣམ་ལྔས་བཀྲུས་ལ་དེ་ཉིད་དུ་ཞག་བདུན་ལྷག་པར་གནས་པར་བྱས
39a5 ཏེ། ཡོངས་སུ་ལྷུང་བས་བསྣུན་པ་ལ་སྟོང་ཕྲག་བརྒྱད་ཡོངས་སུ་བཟླས་ལ་དེ་ནས་སྒྲུབ་པ་ལ་འཇུག་གོ། མིག་སྨན་དེ་དང་། རུ་རྟ་དང་། རྒྱ་སྤོས་དང་། ལོ་དྲི་རྣམས་བསྲེ་ས་ལ། བཅོམ
39a6 ལྡན་འདས་སྤྱན་མའི་སྙིང་པོ་སྟོང་ཕྲག་བརྒྱད་མངོན་པར་བསྔགས་ཏེ། སྒྲུབས་པའི་དུས་སུ་མིག་ལ་བྱུགས་པའི་གཉིད་མི་འབྱུང་ངོ་།། གཞན་ཡང་སྨན་དུ་གྱུར་པ་ནི་ཨ་པ་མཱན་དཀར་པོའི་རྩ་བ་དང
39a7 ཤུ་དག་སྐྱ་བོ་དང་། རུ་རྟ་དང་། རྒྱ་སྤོས་དང་། གིའུ་ཝང་དང་། གུར་ཀུམ་དང་། ཙན་དན་དཀར་པོ་དང་ཐོག་མར་རིང་བསྲེལ་ཅན་གྱི་མཆོད་རྟེན་གྱི་མདུན་དུ་ཞག་གསུམ་དུ་སྨྱུང་བ་བྱས་ཏེ།
iiif viewer powered by OpenSeadragon
