| e-texts navigator |
| Wylie |
38b1 སྟེ་བརྒྱད་བརྒྱ་བཟླའོ།། འོང་བར་འགྱུར་རོ།། བྱོན་པ་དང་། དཀྱིལ་འཁོར་བཅིང་བ་དང་ཕྱོགས་བཅིངས་ལ། གཏོར་མ་དང་ལྷ་བཤོད་དབུལ་བར་བྱའོ།། དེ་ནས་མིག་སྨན་དང་ལྡོང་རོས་ལ་སོགས
38b2 པ་རྣམས་བསྒྲུབ་པར་བྱའོ།། སྔོན་དུ་སྦྱངས་ཏེ་ཕྱིས་བསྒྲུབ་པར་བྱའོ།། མིག་སྨན་དང་ལྡོང་རོས་ལ་སོགས་པ་རྣམས་ལ་ཉིན་མཚན་དུ་འོ་མས་བྲན་ཞིང་གཞག་གོ།། དེ་ནས་བཏོན་ལ་ཇི་ལྟར་ནུས་པས
38b3 དགེ་འདུན་ལ་དགའ་སྟོན་བྱའོ།། སྐར་མ་རྒྱལ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་མཆོད་པས་མཆོད་ལ་རས་དཀར་པོ་མ་ཉམས་པས་གཡོགས་ཏེ། བསོད་ནམས་མཆོད་ལ་བརྟག
38b4 པར་བྱའོ།། བརྟགས་པ་ན་སྔོན་གྱི་མཚན་མ་བྱུང་ན་ལས་འགྲུབ་པར་ཤེས་པར་བྱའོ།། མཚན་མ་གཞན་ཡང་སིལ་སྙན་གྱི་སྒྲ་དང་དུང་གི་སྒྲ་དང་རྒྱལ་བའི་སྒྲ་བྱུང་ན་སིལ་སྙན་གྱི།
38b5 སྨྲས་རིག་པ་འཛིན་པ་ཆེན་པོ་འགྲུབ་པར་འགྱུར་རོ།། རྒྱལ་བའི་སྒྲས་མཁའ་ལ་འགྲོ་བ་འགྲུབ་པར་འགྱུར་རོ།། དུང་གི་སྒྲས་དབང་དུ་བྱེད་པ་འགྲུབ་པར་འགྱུར་རོ།། རྫས་བཏགས།
38b6 ཏེ་མིང་མེད་ཀྱིས་རིལ་བུ་ལྔ་བྱའོ།། རས་མ་ཉམས་པའི་སྟེང་དུ་བཞག་སྟེ་གྲིབ་མ་ལ་བསྐམ་པར་བྱའོ།། དེ་ནས་ཨ་ཤྭ་ཏཱའི་ཤིང་གི་སྟེང་དུ་བཞག་ནས་ཞག་བདུན་དུ་ལྷག་པར་གནས་པར་བྱའོ།།
38b7 དེ་ནས་ཐོག་མ་སྒྲུབ་པའི་ཉིན་མོ་སྔ་དྲོའི་ཚེ་ཡོངས་སུ་ལྷུང་བས་བསྣུན་པ་ལ་ལན་སྟོང་ཕྲག་གཅིག་བསྔགས་ཏེ། དེ་ནས་ཕྱེ་མ་རེད་སྒྲུབ་པ་ལ་འཇུག་པར་བྱ་སྟེ། ཨ་ཤྭཏྠའི་ལོ་མ་བཞི་གཡས
iiif viewer powered by OpenSeadragon
