| e-texts navigator |
| Wylie |
38a1 རྒྱས་པ་ལ་ཙོག་པུས་སོ།། མངོན་སྤྱོད་ལ་རྐང་པས་རྐང་པ་མནན་པས་སོ།། ཟས་མི་ཟ་བར་སྲེག་བླུགས་བྱའོ།། སྒྲུབ་པ་ཆེན་པོ་དང་། ཞི་བ་ལ་ཧཱུཾ་གི་ཡི་གེ་བཟླའོ།།
38a2 མངོན་སྤྱོད་ལ་ཕཊ་ཀྱི་ཡི་གེའོ།། ཞི་བ་ལ་སྲོད་ཀྱི་ཐུན་ལའོ།། རྒྱས་པ་ལ་སྔ་དྲོའི་ཐུན་ལའོ།། མངོན་སྤྱོད་ལ་ཉི་མ་གུང་ངམན་མ་གུང་གི་དུས་སུ་ཁ་ལྷོར་བལྟས་ཏེ་ལས་བྱའོ།། སྒྲུབ་པ་ཆེན་པོ་དང་ཞི
38a3 བ་ལ་ཁ་ཤར་དུ་ཕྱོགས་པས་སོ།། རྒྱས་པ་ལ་བྱང་དུ་ཕྱོགས་པས་སོ།། དབང་དུ་བྱ་བ་ལ་ནུབ་ཏུ་ཕྱོགས་པས་སོ།། སངས་རྒྱས་བཅོམ་ལྡན་འདས་ཀྱི་སྤྱན་སྔར་ལྷ་ལ་མཆོད་པ་བྱས་ཏེ་རྒྱས་པའི
38a4 ལས་བྱའོ།། དུར་ཁྲོད་དང་རྟག་ས་གཅིག་པར་དབང་དུ་བྱ་བ་ལ་མངོན་སྤྱོད་དོ།། ཞི་བ་ལ་སོགས་པ་ལ་མེ་སྦར་ཏེ་བྱའོ།། གང་གི་ཚེ་དེར་མེ་བཟང་པོར་གྱུར་ན། དེ་ནས་ལས་འགྲུབ་པར་འགྱུར་རོ།།
38a5 ཐོག་མ་ཁོ་ནར་སྔགས་ཀྱི་ལྷ་སྤྱན་དྲངས་ཏེ་ཕྱིས་བཅིང་བར་བྱའོ།། ཐོག་མར་དེ་ལྟར་མ་བྱས་ན་རིག་པ་འགྲུབ་པར་མི་འགྱུར་རོ།། སྤྱན་དྲངས་ནས་དྲིའི་ཆུ་ས་གང་བའི་སྣོད་དུ་མེ་ཏོག་དཀར་པོ་དང་ལྡན
38a6 པ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཕྱོགས་ཏེ་གསང་སྔགས་བརྒྱད་བརྒྱ་བགྲང་བར་བྱའོ།། སྒྲུབ་པ་ཆེན་པོ་འབྱུང་བའི་མཚན་མ་རྣམས་འབྱུང་སྟེ། བློ་བུར་དུ་དུང་གི་སྒྲ་འམ
38a7 འབྲུག་སྒྲ་ཐོས་པ་དང་དྲི་ཞིམ་པོ་བྱུང་ན་དེ་ནས་རིག་པའི་ལྷ་འོངས་པར་ཤེས་པར་བྱའོ།། གལ་ཏེ་མ་འོངས་ན་བཅོམ་ལྡན་འདས་སྤྱན་དང་ལྷན་ཅིག་པ་ལ་སྔར་བཞིན་དུ་མཆོད་ཡོན་བཟུང
iiif viewer powered by OpenSeadragon
